तराई मधेस फोरमका पुरै कार्य समिति गरि सयौं कार्यकर्ता राजपा मा प्रवेश काङ्ग्रेस र बाम गठबन्धनमा हलचल

कार्तिक २८/ परासी नवलपरासीमा तराई मधेस फोरम पार्टीका सम्पुर्ण कार्य समिति सहित सयौं कार्यकर्ता राजपा नेपालमा प्रवेश गरेका छन । सोमबार नवलपरासीको रामग्राम नगरपालिका-४ बैरहवा मा राजपा नेपालको कार्यालय उद्घाटन कार्यक्रममा ती पदाधिकारी सहित सयौं कार्यकर्ताहरु राजपा मा प्रवेश गरेका थिए । पार्टीमा प्रवेश गर्नेहरु मा जिल्ला अध्यक्ष दिपचन्द कौशल, राजकुमार चौधरी, सहदेव बनिया,दुर्गा देवी चौहान लगायतका सयौं कार्यकर्ता रहेका छन ।

राजपा नेपाल नवलपरासीले तराई मधेस फोरम का सयौं कार्यकर्ता अाफ्नो पार्टीमा प्रवेश गराएपछि काङ्ग्रेस र बाम गठबन्धनमा हलचल मचेको छ । नवलपरासीको निर्वाचन क्षेत्र नं २ को प्रतिनिधि सभा र प्रदेश सभामा त्रिपक्षीय प्रतिस्पर्धा देखिएको छ । ती कार्यकर्ताहरु प्रवेश गरेपछि नवलपरासीमा राजपा पहिला भन्दा मजबुत भएको छ । तराई मधेस फोरमका कार्यकर्ता राजपामा प्रवेश पछि अब अाफ्नो सम्पुर्ण उम्मेदवार जित्ने दाबी गरेको छ ।

पार्टी प्रवेश र कार्यालय उद्घाटन कार्यक्रममा निर्वाचन २ बाट प्रतिनिधि सभाका उम्मेदवार गोविन्द चौधरी, निर्वाचन २ को (क) बाट प्रदेश सभाका उम्मेदवार सत्रजित यादव, (ख) बाट उम्मेदवारी दिनु भएको उद्योगी व्यवसायी युवा नेता नगेन्द्र अग्रहरी, समानुपातिक उम्मेदवार अलाउदिन अन्सारी, सुरेन्द्र पटेल, राधेरमण पाण्डे, माया अग्रहरी लगायतका नव प्रवेशी लाई फुलमाला र अबिर लगाई पार्टी प्रवेश गराएका थिए ।