पोखरा । दुवै मृगौला फेल भएका एक युवाले आर्थिक अभावले गर्दा प्रत्यारोपण गर्न नसकेको भन्दै सहयोगको याचना गरेका छन् । रौतहट जिल्लाको विकट भेग रंगपुर गाविसका शालिग्राम चौलागाईको दुबै मृगौला फेल भएपछि अर्थिक अभावले गर्दा प्रत्यारोपण गर्न नसकेको भन्दै सहयोगको याचना गरेका हुन् ।

उनले हस्पिटलको शैंयामा छटपटाउदै पलपल मृत्युको पखाईमा दिनदिनै कम्जोर बन्दै गएको कुरा बताएका छन् । उनले भनेका छन्, ‘आर्थिक अभाबको कारण म अब मर्दै छु भन्ने जानि जानि बाँच्नुको पिडा अत्यन्तै दुःखद र हृदयविदारक लाग्दो रहेछ केहि गरौँ भन्ने उर्जावान उमेर मै रोगद्वारा ग्रसित भै तड्पिनु बाहेक मेरो अर्को विकल्प भएन त्यसैले अन्तिम अपिल देश बिदेशमा रहेका विभिन्न सङ्घ संस्था तथा मलाई चिन्ने नचिन्ने आमा बुवा दाजुभाई दिदीबहिनीहरुमा जिबनको भिख माग्दै यथा सग्दो आर्थिक सहयोगको लागि सादर विनम्र अनुरोध गर्दछु ।’

साथै, उनले आफ्न्तबाट साथ नपाएको भन्दै फेसबुकमा मार्मीक शब्द लेखेका छन् । उनले लेखेका छन्, “आफ्ना‌ आफ्न्त नाम मात्रका रैछन् । अरे धेरै नभए पनि कमसेकम सकेको सहयोग त गर न । दान धर्म आदी ईत्यादीको नाममा लाखौ खर्च गर्दा पुण्य कमाईन्छ भने एउटा रोगी, दुखीलाई सहयोग गर्दा कमाईदैन र ? के यो मानवता भित्र पर्दैन र ? के मानवता भन्ने कुरा सकिएको हो र ? देख्दै नदेखेको भगवानको नाममा लाखौ खर्च गर्नु भन्दा मानव र मानवता भन्ने कुरामा विश्वास राखौ ।”

उनले सरकार र दाताहरुसँग उपचारका लागि माछापुछ्रे बैंकको खाता नम्बर 11-40-524-515112-01-7 मा सहयोग गरिदिनु हुन आग्रह गरेका छन् ।

नेपाल सरकारले मृगौला प्रत्यारोपणकालागि कानुन निर्माण गरेर उपचारमा केही सहुलियत दिने व्यवस्था पनि गरेको छ । तर, औषधी र परिक्षणकालागि लाखौ रुपैयाँ खर्च लाग्ने भएपछि शालिग्रामले सहयोगका याचना गरेका हुन् । सरकारले मृगौला रोगीहरुकालागि डायलिसस नि:शुल्क गराएपनि औषधी भने बिरामी आफैले खरिद गरेर खानुपर्छ ।