‘मालिका’ को ‘हल्का माया’ गीतमा रेखाको ठुम्का (भिडियो सहित )

अभिनेत्री रेखा थापाद्वारा अभिनीत, निर्मित तथा निर्देशित फिल्म ‘मालिका’ को पहिलो गीत सार्वजनिक भएको छ । लोकलयको ‘हल्का माया के माया…’ बोलको गीतको छायांकन जाजरकोट दरबार परिसरमा गरिएको छ । अभिनेत्री रेखा थापा फिचर्ड गीतको भिडियोमा सय बढी कोरसले नृत्य गरेका छन् । रामजी लामिछानेको कोरियोग्राफी रहेको गीतमा धनगडीमा रेल आउने कुरादेखि कर्णालीको फूलको बयान गरिएको छ । गीतमा अञ्जु पन्तको सोलो स्वर छ ।

नर कार्कीको शब्द रहेको गीतमा सुरेश अधिकारीले संगीत भरेका छन् । मंगलवार राजधानीमा आयोजित एक कार्यक्रमका बीच सार्वजनिक गरिएको गीतमा देश जोड्ने कुरा गरिएको अभिनेत्री थापाले बताइन् । गीतको अडियो अनुसार भिडियो बन्न सकेको छैन । रामजी लामिछानेको कोरियोग्राफी कमजोर देखिन्छ । अभिनेत्री रेखाको नृत्य पनि खुल्न सकेको छैन । उनले निकै कठिनका साथ कम्मर मर्काएकी छन् ।

रामशरण उप्रेतीको छायांकन रहेको यो फिल्म यस वर्षको लक्ष्मीपूजामा रिलिज हुँदैछ । ‘मालिका’ मा रेखा थापा र जाजरकोटकी कमला वलीको मुख्य भूमिका रहेको छ । शिवम अधिकारीको लेखन पटकथा रहेको फिल्ममा रेखा र नर कार्कीको कथा तथा कन्सेप्ट छ । नर कार्की फिल्मका कार्यकारी निर्माता समेत हुन् भने निर्मातको रुपमा रेखाकी आमा सरस्वती थापा छिन् ।

गीत हेर्नुहोस् :-

[su_youtube url=”https://youtu.be/ahMs-S2sFxU” width=”920″ height=”880″]