११ जना बेचिए, १७ सय पीडित

 काठमाण्डौ । पछिल्लो एक वर्षमा मात्र एक हजार ७ सय ४१ जना महिला हिंसाबाट पीडित भएको तथ्य सार्वजनिक भएको छ । त्यस्तै ११ चेली बेचिए भने हिंसा सहन नसकेर १० जनाले आत्महत्या गरेको पाइएको छ । यस्ता घटना न्यूनिकरणका लागि सरकारले प्रभावकारी उपस्थिती देखाउन सकेको छैन ।

महिला पुनस्थापना केन्द्रले गत जूनदेखि हालसम्म गरेको अध्ययन अनुसार सबैभन्दा बढी ११ सय ४० जनामाथि घरेलु हिंसा भएको छ भने १३० जनामाथि बलात्कार भएको छ । त्यस्तै ११ चेली बेचिए भने हिंसा सहन नसकेर १० जनाले आत्महत्या गरेको पाइएको छ ।आरेकले पछिल्लो एक वर्षका महिला हिंसाका घटनालाई समेटेर अन्वेषी नाम पुस्तक प्रकाशन गरेको छ । हिंसाबाट पीडित मध्ये पुस्तक अनुसार सबैभन्दा बढी हिंसा प्रदेश १ मा भएको छ ।

प्रदेश एकमा ५,९५ जना हिंसाबाट पीडित भएका छन् । प्रदेश २ मा ४,६२, ३ मा १,०५, ५ मा ४,१४, ७ मा १२७, र ६ मा २५ र ४ मा १३ वटा हिंसा भएको अनुसन्धानले देखाएको छ । आरेकले घरेलु, सामाजिक, औनिक हिंसा, बलात्कार, बेचविखन र ओसारपसार, हत्या, आत्महत्या र अन्य हिंसाको अध्ययन गरि प्रकाशन गरेको तथ्यांकलाई देशको पूर्ण विवरण मान्न त सकिँदैन तर, यसले समाजको चरित्रलाई यर्थाथ चित्रण गरेको छ ।

हिंसाको तथ्याङक एकमुस्ट रुपमा सार्वजनिक गर्ने सरकारको आधिकारिक निकाय नहुँदा वास्तविक तथ्य वाहिर आउन गाह्रो परिरहेको छ । यो वर्ष मात्र १३० जनामाथि बलात्कार भएको छ भने ३७ जनालाई बलात्कारको प्रयास गरिएको ओरेकको तथ्यांक देखाउँछ । प्रहरीको तथ्यांकअनुसार गत वर्ष १४ सय ८० जना महिला तथा बालिका बलात्कृत भएका थिए । चालु आर्थिक वर्ष सबैभन्दा बढी १६ वर्षभन्दा मुनिका ६३ प्रतिशत बालिका बलात्कृत भएका छन् भने ३६ वर्षभन्दा माथि उमेरका महिला ४ प्रतिशत रहेको छन् । पछिल्लो समय जनचेतना र संचारमाध्यमको पहुँच बढेकाले यस्ता घटना सार्वजनिक हुने क्रम बढेको नेपाल प्रहरी बताउँछ ।

महिला पुनस्थापना केन्द्रको तथ्यांकले भने ४६ प्रतिशत वलत्कारको घटना छिमेकीबाट हुने गरेको देखाउँछ । १६ प्रतिशत बलात्कार परिवारकै सदस्यबाट भएको छ । परिचितबाट ५ प्रतिशत बलात्कारका घटना भएका छन् ।उक्त तथ्यांकले ८८ प्रतशित त साक्षर महिला नै यौन शोषणमा परेको तथ्याङकले देखाएको छ । स्नातक तहभन्दामाथि अध्ययन गर्ने नै ८ प्रतिशत बलात्कृत भएका छन् ।

माध्यामिक तहमा अध्ययन गर्ने ४०१, स्नातक तह पढ्दै गरेका ५९ र स्नातकोत्तर तथा प्राविधि शिक्षा अध्ययन गरेका २१ जना महिलामाथि हिंसा भएको तथ्यांक छ । तथ्यांकअनुसार २९ प्रतिशत बलत्कारका घटना दिउँसो, २३ प्रतिशत राति र २१ प्रतिशत बिहान भएका छन् । सबैभन्दा बढी ६१ प्रतिशत बलात्कार विद्यार्थीमाथि भएको छ भने २२ प्रतिशत घरायसी काम गर्नेमाथि भएको छ । बलात्कृत हुने ४२ प्रतिशतलाई मानसिक र २१ प्रतिशतलाई शारिरिक असर परेको ओरेकको अध्ययनले देखाउँछ । शिक्षितमाथि नै हिंसा ७९ प्रतिशत हिंशा साक्षर महिलामाथि भएको अनुसन्धानले देखाएको छ ।