रबिन्द्र यादव/ नवलपरासी पश्चिम

पुर्व मन्त्री एव प्रतिनिधि सभा सदस्य हृदयेश त्रिपाठीले २१ औ साविक स्रोतकेन्द्र प्रतापपुर र सुस्ता स्तरीय खेलकूद प्रतियोगिता २०७५ मा प्रमुख अतिथिको रुपमा शुभकामना मनत्वय राख्ने क्रममा वर्तमान अवस्थामा शिक्षा र स्वस्थ्यको बारेमा सत्ताधारी नेकपा र प्रमुख प्रतिपक्षी नेपाली कांग्रेस दुइटैमा सैद्धान्तिक मतभेद छैन सोच विचार सिद्धान्त समान रहेको बताएका छन् ।

चिकत्सामा पास भएको विधेयक चर्चाको विषय बनेको विधेयकमा कतिपयले नपढी विरोध गरि रहेका छन र कतिपयले कार्यकर्ताको मेडिकल नखुलेको बिरोध भइरहेको छ सिद्धान्तमा विरोध नभएको त्रिपाठीको भनाइ छ । संसारमा हरेक उत्पादक कर्ताले आफ्नो समानको उत्पादकको मूल्य निर्धारण गर्छ तर ६४ प्रतिशत किसानले अधिक परिश्रम र लागत लगाएर उत्पादन गरेको धान, गेहु, उखु, तोरी, आलु इत्यादि लगायतको समानको मुल्य निर्धारण गर्न पाउदैन । त्यसको मुल्य निर्धारण गरि लाभ बिचौलियाले लिन्छन् ।

जसको असर शतप्रतिशत कृषिमा आधारित जनजिवनमा पर्छ । जब सम्म ६४ प्रतिशत देशको आवादी समृद्ध हुदैन तब सम्म नेपाल समृद्ध नहुने र नारामा मात्रै सिमित रहने त्रिपाठीको दाबी छ । कृषि उपज मूल्य निर्धारण आयोग कानुनबाट निर्धारित संकलप प्रस्ताव संसदमा राखि सकेको र एउटा विज्ञको आयोग बन्ने त्रिपाठीले जानकारी गराए । किसानको उखुको पुराना रकम भुक्तानी भएको छैन । सरकारले उखुको मूल्य तय गर्छ तर भुक्तानी गराउन सकेको छैन । इतिहासमा पहिलो चोटी मिल मालिकलाई सरकारले समातेर थुनामा राखेर पनि किसानको समस्या समाधान गर्न नसकेको त्रिपाठीले आरोप लगाए । किसानलाई शोषण गर्ने दलाली प्रथाको अन्त गरियोस् एउटा मिल मालिक नेपालको इतिहासमा थुनामा परे ।

मिल मालिक हरुको समस्या सरकारबाट छ तर किसानलाई समस्यामा पारिने असहनिय हुने त्रिपाठीले चेतावनी समेत दिए । नवलपरासी पश्चिमको प्रतापपुर गाउपालिका वार्ड नम्बर -९ बेलाटारीको त्रिभुवन मा. वि. बेलाटारीको खेलमैदानमा हुने प्रतियोगिता फिल्ड तर्फ सटफुट, जेभलिङ्ग, हाइजम्प, लङ्गजम्प र त्रिपलजम्प हुने छ भने ट्रेक तर्फ १०० मिटर, २०० मिटर, ४००मिटर, ८००मिटर, १५०० मिटर, १००×४, दौड, गरेर ११ प्रकार खेलकुद हुने अायोजकले जनाएको छ ।नवलपरासी पश्चिम प्रतापपुर गाउपालिकाको वडा नं.-९ मा रहेको त्रिभुवन माध्यमिक विद्यालय बेलाटारीमा २१ अौं साविक स्रोतकेन्द्र (प्रतापपुर र सुस्ता गाउपालिका) स्तरीय अाधारभुत खेलकुद प्रतियोगिता २०७५ बेलाटारीमा मंगलबार देखि सुरु भएको छ ।

त्रिभुवन मावि का विद्यालय व्यवस्थापन समितिका अध्यक्ष राधा शाहीको अध्यक्षता, भुतपुर्व मन्त्री एवं प्रतिनिधि सभा सदस्य हृदयेश त्रिपाठीको प्रमुख अतिथ्यतता,प्रदेश सभा सदस्य अजय बहादुर शाहीको बिशिष्ट अतिथ्यतता, प्रतापपुर गाउपालिका अध्यक्ष राजकुमार शर्माको विशेष अतिथ्यतता, वडा अध्यक्षहरु, शिक्षाप्रेमी, समाजसेवी, लगायत विभिन्न विद्यालयका प्र.अ. र अथितिहरुको उपस्तिथिमा उदघाटन शत्र सुरु भएको छ । मिति २०७५/१०/१५ गतेदेखी १८ गते सम्म सन्चालन हुने प्रतियोगितामा साविक स्रोत केन्द्रका ५७ वाट विद्यालय सहभागी भएको आयोजक त्रिभुवन मा.बि. बेलाटारीले जानकारी दिएको छ।