घुसखोर सव ईन्जिनियर बजगाई अख्तियार कञ्चनपुरको फन्दामा

फागुन ५, कञ्चनपुर । कञ्चनपुरको बेलौरी नगरपालिकाका सब इन्जिनियर हृदयराज बजगाई ६० हजार रुपैयाँ घुससहित पक्राउ परेका छन् ।

अख्तियार दुरुपयोग अनुसन्धान आयोग कञ्चनपुरका प्रहरी नायब उपरिक्षक प्रेमबहादुर बस्नेतको टोलीले बजगाइलाई कार्यालयबाटै पक्राउ गरेको हो ।

बेलौरी नगरपालिका ४ र ६ जोड्ने स्लाब कलभर्ट निर्माणको अन्तिम रनिङ बिल फरफारकका लागि सेवाग्राहीसँग ६० हजार रुपैयाँ घुस लिइसकेको अवस्थामा बजगाईलाई नियन्त्रणमा लिएको हो ।

उनलाई अख्तियारको हिरासतमा राखी अनुसन्धान सुरु गरिएको अख्तियारको कञ्चनपुर कार्यालयले जानकारी दिएको छ ।