नेकपा जिल्ला तहको एकतामा सहमति, अन्तिम नामावली तयार हुँदै

वैशाख ८, काठमाण्डौ । नेपाल कम्युनिष्ट पार्टीका नेता विष्णु रिजालले सांगठनिक एकता प्रक्रिया टुङ्ग्याउन शीर्ष नेताहरु गृहकार्यमा जुटे पनि निष्कर्ष निकाल्न नसकेको जानकारी दिएका छन् ।

नेपाली रेडियो नेटवर्कको कार्यक्रम नेपाली बहसमा ऋषि धमलासँग कुरा गर्दै रिजालले अध्यक्षद्धय केपी ओली र पुष्पकमल दाहालले अन्य नेताहरुसँग छलफल गर्ने क्रम जारी भए पनि सहमति नजुटेको बताएका हुन् ।

यद्यपी छलफल सकारात्मक रुपमा अगाडि बढिरहेको रिजालले बताए । भोली ९ गते लेलिन दिवसको दिन एकता प्रक्रिया टुङ्गिएको घोषणा गर्ने नेतृत्वको प्रयास थियो । तर त्यो सफल नभएको रिजालले बताए ।

जिल्ला तहको एकता भने भोली नै टुङ्गिन सक्ने रिजालले बताए । अरु तहको एकताको निष्कर्ष भने भोलीसम्ममा निस्किन नसक्ने रिजालले बताएका हुन् ।

जिल्लाको नेतृत्वका लागि भने नेताहरु सहमति नजिक पुगेकाले आजै नामसमेत टुङ्गो लाग्नसक्ने रिजालको दावी छ ।