पौष २७ गतेबाट प्रदर्शनमा आउने चलचित्र ‘द ब्रेकअप’ को ‘हरपल..’ बोलको दोश्रो गीत सार्वजनिक गरिएको छ । यस अघि सार्वजनिक गीत ‘आज हाम्रो भेट भाको दिन’लाई दर्शकले राम्रो प्रतिक्रिया दिएका छन् । सार्वजनिक गीतमा शिल्पा मास्के र आशिरमान देशराज जोशी फिचर्ड छन् । प्रकाश मल्लको शब्द रहेको गीतमा विराज गौतमको स्वर र संगीत रहेको छ ।
चलचित्रमा आशिर र शिल्पाको साथमा सरोज खनाल, रेनदास श्रेष्ठ, इच्छा कार्की लगायत कलाकारको अभिनय रहेको छ । सार्वजनिक गीतको भिडियोलाई ,दर्शकले युट्युवमा सकारात्मक प्रतिक्रिया दिरहेका छन् । अष्ट्रेलियाको मनोरम दृश्यमा खिचिएको भिडियोमा कविराज गहतराजको कोरियोग्राफी रहेको छ । चलचित्रलाई हेमराज विसीले निर्देशन गरेका छन् भने रुपक थापा, दीपक खतिवडा, रेनु राणा र निर्देशक बिसी आफैले लगानी गरेका छन् https://youtu.be/04iGeYTBOG0