उदयपुरकि १४ बर्षीया छात्रालाई ८ दिनदेखि पोखराको होटल राखेर करणी गर्ने शिक्षक पक्राउ

साउन ८, कास्की | कास्की प्रहरीले उदयपुरको म्यारीगोल्ड सेकेन्डरी बोर्डिङ स्कूलका २८ बर्षिय शिक्षक राकेश कुमार कानोडियालाई पक्राउ गरेको छ । कानोडियाले उदयपूरकै १४ बर्षिय किशोरीलाई पोखराको होटलमा लगेर बन्धक बनाएको प्रहरीले जनाएको छ । 

प्रहरीको अनुसार १४ बर्षीया छात्रालाई ति शिक्षकले उदयपुरदेखि कास्की पोखरा महानगरपालिका वडा नं. ६ लेकसाईड डिहिगोपाटन स्थित द कन्ट्री यार्ड होटलमा राखेर करणी गरेका थिए । प्रहरीको अनुसार होटलको एक कोठामा ति शिक्षकले नाबालिकाले प्रयोग गरेको मोबाईल समेत नियन्त्रणमा लिएर अविभावकसंग सम्पर्क समेत गर्न नदिई बन्धक बनाएका थिए  । 

मोरङको बिराटनगरमा स्थायी घर भएका र हाल उदयपुर जिल्ला चौदण्डी न.पा. वडा नं. ७ बस्दै आएका आरोपित शिक्षक उदयपुरकै म्यारीगोल्ड सेकेन्डरी बोर्डिङ स्कूलका शिक्षक हुन् । बन्धक बनाई राखिएकी बालिकालाई प्रहरीले उद्दार गरेर अभिभावकको जिम्मा लगाएको छ । 

प्रहरीका अनुसार नाबालिकालाई बिगत ८ दिनदेखी होटलको कोठामा राखेर कानोडियाले जबरजस्ती करणी समेत गरेका थिए । कानोडियालाई प्रहरीले नियन्त्रणमा लिएर कानुनी कारवाही अगाडी बढाएको छ ।