साउन १०, काठमाण्डौ । अन्यायमा परेकालाई न्याय दिने मात्रै होइन विथिति रोक्ने अंगको रुपमा समेत न्यायपालिकालाई चिनिन्छ । तर, यहि न्यायपालिका भित्र रहेका सवारी साधनहरुको भने अत्याधिक दुरुपयोग भएको पाइएको छ । कतिसम्म भने कानुनविपरित अझै भनौ आफैले गरेको फैसलाविरुद्ध पूर्वप्रधानन्यायाधीशहरुले सर्वोच्च अदालतको गाडी प्रयोग गरिराखेका छन् । त्यो पनि सरकारी गाडीमा निजी नम्बर प्लेट प्रयोग गरेर ।
कानुन नबनेसम्म पूर्वपदाधिकारीलाई गाडी नदिन सर्वाेच्चले नै आदेश दिएको थियो । तर, यहि आदेशलाई लत्याएर सर्वोच्चका १४ जना पूर्वप्रधानन्यायाधीशहरुले सरकारी गाडीलाई निजी बनाएर प्रयोग गरेका छन् । उनीहरुले सेतो नम्बर प्लेट फालेर रातो प्लेट हालेर चलाउनुका साथै चालक पनि लगेका छन् ।
हामी यी १४ पूर्व प्रधानन्यायाधीश कोको हुन् ? तिनले कुन कुन गाडी लगे ? कति नम्बरको सरकारी गाडीलाई कति नम्बरको निजी बनाए त्यसको विवरण देखाउँदैछौ ।
यी हुन् १४ पूर्वप्रधानन्यायाधीशहरु जसले सरकारी गाडी निजी बनाएर चलाए
१. ओमप्रकाश मिश्र
गाडी : टाटा स्ट्रोम
निजी बनाइएको नम्बर: बा.११च ११५
सरकारी चालक: श्याम श्रेष्ठ
२. गोपाल पराजुली
गाडी ः टोयोटा फच्र्युनर
सरकारी नम्बर : बा.१ झ ६३८६
निजी बनाइएको नम्बर : बा.१३च ६२३१
सरकारी चालक : राजु चौधरी
३.सुशीला कार्की
गाडी : महिन्द्र स्कारपियो
सरकारी नम्बर : बा.२झ २५११
निजी बनाइएको नम्बर : बा.१७च ८३८३
उनले साथमा सर्वोच्चका कार्यालय सहयोगी कमला तामाङ संगै लगेकी छिन् ।
४. कल्याण श्रेष्ठ
गाडी : टोयोटा ल्यान्डक्रुजर
सरकारी नम्बर : बा.१ झ ६३८३
निजी बनाइएको नम्बर : बा.१३ च ६२३१
सरकारी चालक : जोगमान महतो
उनको गाडी एक पटक सर्वोच्चका कर्मचारीले खोसे पनि पुनः लगेका हुन् ।
५ रामकुमारप्रसाद साह
गाडी ः टाटा स्ट्रोम्स भिएक्स
सरकारी नम्बर : बा.२झ ६५६
निजी बनाइएको नम्बर : बा.११च ४०८४
सरकारी चालक : नेत्रबहादुर गिरी
६. खिलराज रेग्मी
गाडी : महिन्द्रा स्कारपियो
सरकारी नम्बर : बा.२झ ११३
निजी बनाइएको नम्बर : बा.१२च ६८५३
साथमा उनले सर्वोच्चका सहयोगी दीपक मिश्रलाई पनि आफैसँग राखेका छन् ।
७. दामोदरप्रसाद शर्मा
गाडी ः सेभोर्ले क्याप्टिभा
सरकारी नम्बर : बा.१झ ९८७७
निजी बनाइएको नम्बर : गाडीमा बा.१०च ८४३३
८. मीनबहादुर रायमाझी
गाडी : फोर्ड
सरकारी नम्बर : बा.१झ ९४८४
निजी बनाइएको नम्बर : बा.९च ४९१२
९.दिलीपकुमार पौडेल
गाडी : फोर्ड
सरकारी नम्बर : बा.१ झ९४९१
निजी बनाइएको नम्बर : बा.९ च ४९२०
१०. हरिप्रसाद शर्मा
गाडी : फोर्ड
सरकारी नम्बर : बा.१ झ ९५०३
निजी बनाइएको नम्बर : बा.९च ४१३१
११. केशवप्रसाद उपाध्याय
गाडी : फोर्ड
सरकारी नम्बर : बा.१झ ९४९६
निजी बनाइएको नम्बर : बा.९च ४९२५
१२. मोहनप्रसाद शर्मा
गाडी : फोर्ड
सरकारी नम्बर : बा.१झ ९४८५
निजी बनाइएको नम्बर : बा.९च ४९१३
१३. ओमभक्त श्रेष्ठ
गाडी : फोर्ड
सरकारी नम्बर : बा.१झ ९४९३
निजी बनाइएको नम्बर : बा.९च ४९२२
१४. सुरेन्द्रप्रसाद सिंह
गाडी : फोर्ड
सरकारी नम्बर : बा.१झ ९४९२
निजी बनाइएको नम्बर : बा.९च ४९२१ नम्बर
नियमतः अवाकाश पाएपछि पूर्वप्रधानन्यायाधीशहरुले सरकारी गाडी र चालक लग्न पाउँदैनन् । अर्को कुरा जथाभावि सेते नम्बर प्लेट अर्थात सरकारी प्लेटलाई रातो अर्थात निजी बनाउन पाइदैन् । न्यायाधीशहरूको पारिश्रमिक, सेवा, सर्त र सुविधासम्बन्धी ऐन, २०७४ को दफा ७ को उपदफा ५ मा प्रधानन्यायाधीश तथा न्यायाधीशले प्रयोग गरेको सवारीसाधन कार्यकाल सकिएको सात दिनभित्र फिर्ता गर्नुपर्ने व्यवस्था छ ।
ऐनको दफा ७ को उपदफा ६ मा भने अवकाशप्राप्त प्रधानन्यायाधीश÷न्यायाधीशले आफैँ राख्न चाहे सवारीसाधनको किताबी मूल्य बुझाएर प्राप्त गर्न सक्ने व्यवस्था छ । तर, १४ पूर्वप्रधानन्यायाधीशले न त त्यसको मूल्य बुझाएका छन् न गाडी नै फिर्ता गरेका छन् ।
