काठमाडौँ  | ‘नेपालका लागि नेपाली’ अभियानका अभियान्ता ज्ञानेन्द्र शाहीलाई निर्घात कुटपिट गरिएको छ । भरतपुरस्थित चौविसकोठीमा ‘भष्ट्राचार, वेथिती र लुटतन्त्रको विरोधमा नागरिक खबरदारी’ सभा गर्ने तय भएको थियो ।  कार्यक्रम सञ्चालन गर्ने तयारी भइरहेको बेला सत्तारुढ दल नेकपाका युवाहरुको समूह कार्यक्रम स्थल पुगेर ‘ज्ञानेन्द्र शाही मुर्दावाद, राजवादीलाई बहिष्कार गरौं’ भन्दै नारा लगाएका थिए । त्यस क्रममा प्रहरी आइपुगेर नाराबाजी रोकेको थियो ।

सम्भावित झडपको स्थिति देखेपछि प्रहरीले  ‘भष्ट्राचार, वेथिती र लुटतन्त्रको विरोधमा नागरिक खबरदारी’ सभा नगर्न भनेपछि अभियानका अगुवाहरु पनि पछि हटेका थिए । कार्यक्रम गर्न नपाएपछि अभियान्ता शाहीको टोली गाडी मार्फत काठमाडौँ फर्कन लाग्दा चौविसकोठीको होटल ग्लोबलमा युवाहरुको समूहले आक्रमण गरेको थियो ।

शाहीलाई लक्षित गरी युवाहरुले अन्दाधुन्ध हातमा ढुंगा, इट्टा तथा रडले हानेका थिए । घटना भएपछि पुगेको प्रहरीले नेकपा आवद्ध एक जनालाई मात्र पक्राउ गर्न सक्यो । अरु युवाहरु भने भाग्न सफल भएका थिए ।

घटनापछि घाइते भएका शाहीलाई अस्पताल लागि शरीरको सिटी स्क्यान गराउदा गहिरो चोट लागेको नदेखिएको अस्पतालले जनाएको छ । उनलाई थप उपचारको लागि काठमाडौँ  ल्याइएको छ ।

हेर्नुहोस भिडियोमा ज्ञानेन्द्र शाही  आक्रमणमा  परे  पछी बिर अस्पतालमा यस्तो  अवस्थामा भेटिए

https://www.youtube.com/watch?v=2xJvkj8Vw1M