मनोज पराजुली। , काठमाडौं। वैदेशिक रोजगारीको लागि माल्टा पठाइदिने नाममा ४१ म्यानपावर कम्पनीले १ करोड ६५ लाख भन्दा बढी ठगि गरेको भन्दै वैदेशिक रोजगार विभागमा उजुरी परेको छ। वैदेशिक रोजगार विभागमा १ वर्षको अवधिमा माल्टा पठाउने नाममा म्यानपावर कम्पनीबाट नै ठगिएको भन्दै पीडितहरुले उजुरी दिएका विभागले जानकारी दिएको छ ।
म्यानपावर कम्पनीले संस्थागत रुपमा मात्र श्रमिक विदेश पठाउन पाउंछन् तर अधिकांश कम्पनीले व्यक्तिगत श्रम स्वीकृतिमा नै विदेश पठाउने भन्दै श्रमिकसंग शुल्क लिने गरेको प्रारम्भिक अनुसन्धानमा देखिएको विभागले जनाएको छ । उजुरी परेका मध्ये केहि म्यानपावर कम्पनीले मात्र डिमाण्ड पुर्व स्वीकृति लिएका र अन्यले व्यक्तिगत श्रम स्वीकृतिमा नै पठाउने भन्दै रकम कारोबार गरेको पाइएको विभागले जानकारी दिएको छ ।
यी हुन् संलग्न म्यानपावरहरु
माल्टाका लागि भन्दै सबै भन्दा धेरै ठगीको उजुरी इगल ओभरसिज प्रा. लि विरुद्ध परेको छ । इगलले मात्रै १ करोड २२ लाख भन्दा बढी ठगि गरेको उजुरी परेको विभागले जनाएको छ । एन एस ओ कन्सल्ट प्रा. लि ले ३ लाख, भेरी ओभरसिज प्रा. लिले १ लाख, अल कौसल ह्युमन रिसोर्सले २ लाख, भेरी ओभरसिजले १ लाख ठगि गरेको उजुरी परेको छ ।
त्यस्तै साधना इन्टर्नेशनल प्रा. लिले ४ जनाबाट ५ लाख २५ हजार ठगी गरेको उजुरी परेको छ। गण्डकी ओभरसिज कन्सन प्रा. लिले २ लाख एक हजार, सिमाना इन्टर्नेशनल प्रा. लिले ३ लाख, ह्याइट पर्ल रिक्रुटमेन्ट प्रा. लिले ४ लाख ठगि गरेको उजुरी विभागमा परेको छ । त्यस्तैगरी डन इन्टरनेशनल ग्रुपले ९ लाख १ हजार, सिद्ध ग्लोबल प्रा. लिले १ लाख ५० हजार, हेल्प ओभरसिजले ४ लाख ५८ हजार, क्यापिटल रिक्रुटमेन्ट सर्भिसले १ लाख, ब्लुमुन ओभरसीज नेपाल प्रा. लि ले २ लाख ४० हजार, सुलभ रिक्रुटमेन्ट प्रा. लिले २ जनाबाट ३ लाख ठगि गरेको उजुरी परेको छ ।
इम्पावर ओभरसिजले १ लाख ६० हजार, वर्ल्ड फेवर ओभरसिज प्रा. लि १ लाख ४५ हजार, स्काई ब्रिज ओभरसिज प्रा. लि १ लाख, के एच एम रिक्रुटमेन्ट सर्भिस प्रा. लिले १ लाख, फ्रन्टलाईन रिक्रुटमेन्ट प्रा. लिले १ लाख, कालिकोट ओभरसिज प्रा. लिले १ लाख ठगि गरेको उजुरी परेको छ। ग्लोबल एलाइन्स कन्सल्टेन्सी प्रा. लि ५ लाख ५८ हजार, म्यानपावर रिक्रुटमेन्ट नेपाल प्रा. लिले २ लाख ६० हजार ठगि गरेको भन्दै पीडितले उजुरी दिएका छन् । इगल ओभरसिज, एन एस ओ, भेरी ओभरसिज, सिमाना इन्टर्नेशनल, डन इन्टरनेशनल र कालिकोट ओभरसिज हाल खारेजीमा परेका छन् ।
छानविन गर्दैछौं : विभाग
विभागमा उजुरी परेका मध्ये केही म्यानपावरको छानवीन सकिएपनि अझै केहि म्यानपावरको कामबारे अनुसन्धान जारी रहेको विभागले जानकारी दिएको छ । म्यानपावर पनि व्यक्तिगत श्रम स्वीकृति निकाल्ने काममा जोडिएमा त्यस्ता म्यानपावर विरुद्ध अदालतमा मुद्धा दायर गर्ने गरिएको विभागका निर्देशक भोलानाथ गुरागाईं बताउँछन् । विदेश जान लागेका कामदारले शुरुमा आँफैले काम गरेको हो भन्ने तर समस्या परेपछि मात्र म्यानपावर कम्पनीको नाम जोड्ने गरेको कारण पनि अनुसन्धानमा समस्या आउने गरेको उनले बताए ।
एसएलसी फेल भएकाबाट मास्टर डिग्री पास भएकाहरु ठगीएका भन्दै विभाग आउने गरेका छन् यसलाई के भन्ने ? भुसालले भने ‘यस्तै गुनासालाई सुधार गर्न विभागबाट छिट्टै थप सचेतनामुलक खालका कार्यक्रम चलाउने तयारी पनि गरेका छौं तर निर्णय भएको छैन ।’
उजुरी परेका म्यानपावर कम्पनीहरु
https://www.youtube.com/watch?v=4lBvHRpueNI
