काठमाडौं । सञ्चार तथा सूचना प्रविधि मन्त्री तथा सरकारका प्रवक्ता गोकुलप्रसाद बाँस्कोटाले सेक्युरिटी प्रेस खरिद बारेको अडियो आफूलाई फसाउन गरिएको प्रपोकाण्ड भएको बताएका छन् । मन्त्री बाँस्कोटाले आफुमाथि लागेको आरोप प्रमाणित भए सजाय भोग्न तयार भएको बताए ।

बिहीबार नेकपा कञ्चनपुरको बेलडाँडीद्वारा बेलडाँडी गाउँपालिकामा आयोजित कार्यकर्ता भेटघाट कार्यक्रममा मन्त्री बाँस्कोटाले यसलाई राजनीतिक रंग दिएर प्रपोकाण्ड मच्चाइन लागिएको प्रतिक्रिया दिए । उनले भने, ‘जसले गल्ती गर्छ, त्यही जान्छ । यस्ता विषयले पार्टीलाई लैजाने होइन, आत्तिनु पर्दैैन । मैले गल्ती गरेको भए म जाँउला ।’

उनले करोडौंको प्रस्ताव धेरैले राखे पनि काम नबन्दा फोन रेकर्ड सार्वजनिक गरेको भन्दै आरोप अस्वीकार गरेका छन् । ‘त्यस्ता, प्रस्ताव धेरै वटा आउँछन् । आउने जति सबै मान्ने हो भने १० अर्ब जतिको आयो होला’, उनले भने ।

https://youtu.be/szy2WMOgdTM?list=PLzcQXXcyc2K5TTeSDIJsPkrE2DClK71Gu