हिन्दु धर्मका समर्थक र प्रहरीको झडपमा परी पाँचजना घाइते

ईटहरी–१ स्थित हिन्दु धर्मगुरु ईटहरी–१ बस्ने श्रीनिवास आचार्यसमेतका प्रदर्शनकारीले हिन्दु राज्यको माग राखी आन्दोलन गरिरहेको अवस्थामा मंगलबार प्रहरीसँग झडप हुँदा ४ जना प्रहरी कर्मचारी र १ जना प्रदर्शनकारी गरी ५ जना सामान्य घाइते भएका छन् । घाइतेको स्थानीय समुदायिक अस्पतालमा उपचार भइरहेको छ ।
प्रदर्शनकारीले प्रहार गरेको ढुङ्गा लागेर १ जना प्रदर्शनकारी तथा झडपको क्रममा ४ प्रहरी कर्मचारी घाइते भएका थिए । साथै प्रदर्शनकारीले ना.१ ग ४८५ नम्बरको प्रहरीको वानटनको सिशा फुटाई क्षति पुर्यारएका छन् ।
उक्त स्थानमा थप प्रहरी परिचालन गरी स्थितिलाई नियन्त्रणमा लिइएको प्रहरी ले जनाएको छ । श्रीनिवास आचार्यसहित ४ पुरुष २ महिला गरी ६ जना प्रहरीले नियन्त्रणमा लिएर आवश्यक अनुसन्धान गरिरहेको छ ।