अमेरिकामा कोरोना बिरुद्धको खोप फाइजरको प्रयोग अनुमति दिन सिफारिस

मंसिर २६, काठमाडौं | विश्व महामारीको रुपमा फैलिएको कोरोनाभाइरस बिरुद्ध फाइजर-बायोएनटेकको खोपलाई आपत्कालिन रूपमा प्रयोग गर्न अमेरिकी खाद्य तथा औषधि नियामक एफडिएलाई चिकित्साविज्ञहरूले सुझाव दिएका छन् |

खोपको राम्रो नराम्रो पक्ष पत्ता लगाउन बनेको २३ सदस्यिय विज्ञहरूको टोलीले उक्त सुझाव दिएको हो | यसघि बेलायत,क्यानाडा, बहराइन र साउदी अरबले फाइजरको खोप सर्वसाधारणका लागि प्रयोग अनुमति दिइसकेका छन् |

उक्त खोपलाई एफडिएका खोप प्रमुखले औपचारिक स्वीकृति दिन बाँकी रहेको छ जुन आउँदा केही दिनमा हुने अपेक्षा गरिएको छ | अमेरिकाको सङ्घीय सरकारको खोप वितरण कार्यक्रम अपरेसन र्‍याप स्पीडले खोप स्वीकृत भएको २४ घण्टामै खोप वितरण सुरु हुने जनाएको छ |

अमेरिकामा बुधबार सबैभन्दा बढी मानिसको मृत्यु भएको दोश्रो दिन बिज्ञयहरुको टोलीले उक्त सुझाव दिएको हो |