मेष ( चु, चे, चो, ला, लि, लु, ले, लो, अ )
यो साता मनमा निरासा र शरीरमा आलस्य आउला । महत्त्वपूर्ण अवसर गुम्न सक्छ । स्वास्थ्य प्रति सजकता अपनाउनु होला । बुधवारबाट व्यवसायको सन्दर्भमा नयाँ नयाँ योजना बन्नेछ । पारिवारिक मनोरञ्जन र भेटघाट हुनेछ । साथीभाइले पनि राम्रै सहयोग जुटाउनेछन् ।

वृष ( इ, उ, ए, ओ, वा, वि, वु, वे, वो )
यो साता भाग्यले विभिन्न अवसर जुराउनेछ । कूटनीतिक नियोगको सहयोग मिल्ने देखिन्छ । सामाजिक कार्यमा मन जानेछ । साताको उत्तरार्धबाट घर व्यवहारको समस्याले सताउनेछ । प्रतिद्वन्दीहरुले कार्यमा अवरोध ल्याउनेछन् । स्वास्थ्य प्रति सतर्कता अपनाउनु पर्छ ।

मिथुन ( का, कि, कु, घ, ङ, छ, के, को, हा )
यो साता शुभ कार्यको चर्चा चल्नेछ । धर्म,कर्म तथा समाजसेवामा मन लाग्नेछ । प्रेम जीवन सफल र सुखद् रहने देखिन्छ । व्यापार व्यवसायमा सफलता पाईनेछ । शेयर बजारबाट राम्रो सफलता मिल्ला । साताको मध्यमा नियमको अनुशासनलाई बेवास्ता गर्दा अवसर र लाभ गुम्न सक्छन् ।

कर्कट ( हि, हु, हे, हो, डा, डि, डु, डे, डो )
यो साता रोकिएका काम पुनः सुरु हुन सक्छन् । नयाँ योजनामा पुनर्विचार हुनेछ । सामाजिक तथा धार्मिक कार्यमा रुची बढ्नेछ । आँटेको र ताकेको कार्य पुरा हुनेछ । साताको अन्त्यमा स्वास्थ्य प्रतिकूल हुनसक्छ । अत: स्वास्थ्य प्रति सचेत हुनुपर्छ ।

सिंह ( मा, मि, मु, मे, मो, टा, टि, टु, टे )
यो साता धर्म, कर्म तथा समाजसेवामा मन लाग्नेछ । दाम, इनाम र प्रतिष्ठा कमाउने वेला छ । रोकिएका काम पुनः सुरु हुन सक्छन् । बन्धु बान्धवबाट सहयोग मिल्नेछ । धनार्जनका नयाँ स्रोतहरू पत्ता लाग्नेछन् । साताको मध्य भागमा आफूलाई कमजोर भएको अनुभूति हुनेछ ।

कन्या ( टो, पा, पि, पु, ष, ण, ठ, पे, पो )
यो साता समय निकै उत्साहजनक रहनेछ । सांस्कृतिक क्षेत्रमा रुची बढ्नेछ । रोकिएका अधुरा कामहरू पुरा हुनेछन् । मनोरञ्जनमा सहभागीता भइएला । रमाइलो यात्राको सम्भावना पनि रहेको छ । बुधबारबाट प्रेममा बाधाका साथै बन्न लागेको काम विग्रनेछ । शैक्षिक क्षेत्र कमजोर रहनेछ ।

तुला ( रा, रि, रु, रे, रो, ता, ति, तु, ते )
यो साता मनको डरले सताए पनि व्यवहारमा फाइदा हुनेछ । भाग्यले विभिन्न अवसर जुराउनेछ । पारिवार सङ्ग रमाइलो भेटघाट हुनेछ । धार्मिक तथा समाजसेवामा मन लाग्नेछ । मध्य सातामा मनमा निरासा र शरीरमा आलस्य आउला । सौन्दर्यतामा धन खर्च हुनेछ ।

वृश्चिक ( तो, ना, नि, नु, ने, नो, या, यि, यु )
यो साता महिला वर्गबाट विषेश सहयोग मिल्नेछ । समाजिक कार्यमा मन जाला । राजनीतिक कार्यमा सफलता मिल्नेछ । कार्य सम्पादनमा सहजता मिल्नेछ । शेयरबाजार लाभ र वित्तीय संस्थाबाट सहयोग पाईनेछ । दाजुभाइ, दिदीबहिनीले तपाईंका सकारात्मक विचारलाई समर्थन गर्नेछन् ।

धनु ( ये, यो, भा, भि, भु, धा, फा, ढा, भे )
यो साता नयाँ योजना कार्यान्वयनमा ल्याउन मुस्किल पर्ला । स्वस्थप्रति सजक रहनु पर्नेछ । नियमित खर्च बढ्ने योग पनि छ । बुधवारबाट सुन्दर पहिरनले ब्यक्तित्वमा निखारता ल्याउनेछ । इच्छा र आकाङ्क्षा पूर्ण हुनेछ । आकस्मिक धन लाभ हुनेछ ।

मकर ( भो,जा,जि,जु,जे,जो,ख,खि,खु,खे,खो,गा,गि )
एकपछि अर्को अवसर आउनाले मन प्रसन्न रहनेछ । नयाँ ज्ञान सिक्ने मौका मिल्नेछ । जोश जाँगर र हिम्मत बढ्नेछ । वैदेशिक क्षेत्रबाट सफलता मिल्नेछ । न्यायिक कार्यमा सफलता मिल्ला । शुभ कार्यको लागि पारिवारिक समर्थन मिल्नेछ । प्रेम सम्बन्ध पनि कसिलो हुनेछ ।

कुम्भ ( गु, गे, गो, सा, सि, सु, से, सो, दा )
यो साता नजिकको मित्रसँग भेटघाट हुनेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । चिताएको कामले तीव्रता लिनेछ । धनार्जनका नयाँ स्रोतहरू पत्ता लाग्नेछन् । राजनीतिक कार्यमा सफलता मिल्नेछ । शत्रु पनि क्षय होलान् ।

मीन ( दि, दु, थ, झ, ञ, दे, दो, चा, चि )
आज शुभारम्भको चर्चा चल्नेछ । नयाँ उद्योग वा रचनात्मक काममा जुट्ने समय छ । लामो समय देखि रोकिएको अधुरो कार्यले पूर्णता पाउनेछ । मध्य सातामा विपक्षीको छलकपट तथा जालझेलबाट सावधान रहनुपर्नेछ । अधिकार प्राप्तिका लागि संघर्श गर्नु पर्ला । ज्यो.प. नारायणप्रसाद दुलाल (अधिक जानकारीका लागि 977-9849559502)