नेपाल र इजरायल सरकारवीच यस्तो सम्झाैता भयो – जानकारी केन्द्र

नेपाली कामदार इजरायल पठाउने विषयमा नेपाल र इजरायल सरकारवीच आज सम्झौता भएको छ।
श्रम मन्त्रालयद्वारा आयोजित कार्यक्रममा श्रम राज्यमन्त्री टेकबहादुर गुरुङ र इजरायलका राजदूत यारोन मेयरले नेपाली महिला कामदार लैजाने सम्झौतापत्रमा हस्ताक्षर गरेका छन् ।
हस्ताक्षरसँगै विगत ५ वर्षदेखि नेपाली महिला कामदार लैजान रोकिएको प्रक्रिया सुरु भएको छ। इजरायलले फेरि नेपाली महिला कामदार लैजाने भएको छ ।
सम्झौता अनुसार लिखित र मौखिक परीक्षाका साथै स्वाथ्य परीक्षणमा सफल भएकाहरुलाई सरकार आफैंले इजरायल पठाउनेछ।
पाइलट प्रोजेक्टका रुपमा महिला कामदार इजरायल पठाउने र पहिलो चरणमा ६० नेपाली महिला कामदारहरु पठाइने श्रम राज्यमन्त्री टेकबहादुर गुरुङले जानकारी दिएका छन्।
त्यसपछि आएको फिड ब्याक अनुसार कामदार पठाउने कि नपठाउने भन्ने निर्णय लिने पनि उनले बताएका छन्।