कस्तो होला यो साता तपाईको भाग्य ? हेर्नुहोस् राशिफल

मेष ( चु, चे, चो, ला, लि, लु, ले, लो, अ )
यो साता शुभकार्यको चर्चा चल्नेछ । मन अध्यात्म र दर्शनतर्फ आकर्षित बन्नेछ । धनार्जनका नयाँ स्रोतहरू पत्ता लाग्नेछन् । व्यापारबाट सोचे जस्तै लाभ प्राप्ति हुने योग छ । साताको मध्यमा नियम र अनुशासनलाई बेवास्ता गर्दा अवसर र लाभ गुम्न सक्छ ।

वृष ( इ, उ, ए, ओ, वा, वि, वु, वे, वो )
यो साता शंका तथा डरका कारण बनिसकेको काममा दुविधा उत्पन्न हुन सक्छ । भोजभतेरमा सामेल हुँदा स्वास्थ्यको ख्याल गर्नुहोला । आफ्नो बुद्धिले काम नगर्न सक्छ, अत: सचेत रहनु होला । साताको अन्त्यमा शुभ समाचार सुन्न पाईने र गरेको कार्यमा सफलता पनि मिल्नेछ ।

मिथुन ( का, कि, कु, घ, ङ, छ, के, को, हा )
यो साता नयाँ कार्यको योजना बन्नेछ । वैदेशिक र राजनैतिक कार्यमा सफलता मिल्नेछ । बन्धु बान्धवबाट विशेष सहयोग मिल्नेछ । प्राविधिक काममा सफलता मिल्ला । साताको उत्तरार्धबाट व्यापार व्यवसायमा बाधा आउनेछ । घर व्यवहारको समस्याले सताउनेछ ।

कर्कट ( हि, हु, हे, हो, डा, डि, डु, डे, डो )
यो साता आदर्श ब्यक्तित्व सँगको सहकार्यले नयाँ अनुभव मिल्नेछ । अध्ययन–अध्यापनको क्षेत्रमा राम्रो खबर सुन्न पाउनु हुनेछ । एकपछि अर्को अवसर आउनाले मन प्रसन्न रहनेछ । साताको मध्य भागमा आफूलाई कमजोर भएको अनुभूति हुनेछ । घरायसी झमेलामा परिनेछ ।

सिंह ( मा, मि, मु, मे, मो, टा, टि, टु, टे )
यो साता कतै घुम्न जाने योजना बन्न सक्छ । एकपछि अर्को अवसर आउनाले मन प्रसन्न रहनेछ । दाम, इनाम र प्रतिष्ठा कमाउने बेलाछ । मनमा ठूलो उत्साह र उमङ्गको सिर्जना हुनेछ । कला,साहित्य तथा संगीतमा रुचि बढ्नेछ । प्रेम सम्बन्ध पनि कसिलो हुनेछ ।

कन्या ( टो, पा, पि, पु, ष, ण, ठ, पे, पो )
यो साता आँटेको काममा सफलता नमिल्न सक्छ । यात्रामा मालसामान हराउन सक्छ । नयाँ योजना कार्यान्वयनमा ल्याउन मुस्किल पर्नेछ । मध्य साताबाट आकस्मिक धन लाभ हुनेछ । इच्छा र आकाङ्क्षा पूर्ण हुनेछ । सुन्दर पहिरनले ब्यक्तित्वमा निखारता ल्याउनेछ ।

तुला ( रा, रि, रु, रे, रो, ता, ति, तु, ते )
यो साता श्रमको उचित मुल्याङ्कन हुनेछ । रमाइलो यात्राको योग रहेको छ । मित्र वा आफन्तबाट मिल्नेछ । दैनिक वैदेशिक कार्य अघी बढ्नेछ । मध्य सातामा मनमा निरासा र शरीरमा आलस्य आउला । सौन्दर्यतामा धन खर्च हुनेछ ।

वृश्चिक ( तो, ना, नि, नु, ने, नो, या, यि, यु )
यो साता जोश, जाँगर र उमङ्ग बढ्नेछ । शुभकार्यको चर्चा रचल्नेछ । परीक्षा आदि प्रतिस्पर्धामा उर्तिण हुनसकिनेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । प्रतिष्ठा र पदोन्नतिको सम्भावना छ । व्यवसायिक क्षेत्र लाभप्रद नै रहनेछ ।

धनु ( ये, यो, भा, भि, भु, धा, फा, ढा, भे )
यो साता धार्मिक महत्त्वको क्षेत्रमा भ्रमण हुन सक्छ । नयाँ कार्य वा रोजगारको अवसर मिल्नेछ । दाजुभाइ वा नजिकका मित्रले सकेको सहयोग गर्नेछन् । पारिवारिक सद्भाव पनि बढ्नेछ, तर अल्छिपन र आलस्य नत्यागेमा आँटेको काममा सफलता नमिल्न सक्छ ।

मकर ( भो,जा,जि,जु,जे,जो,ख,खि,खु,खे,खो,गा,गि )
यो साता दौडधूप गर्नु परेपनि प्रसिद्धि र सम्मानमा बृद्धि हुनेछ । शेयर बाजारबाट विशेष फाईदा मिल्नेछ । छोटो दुरीको लाभदायक र धार्मिक यात्राको योगछ । अरुलाई प्रभावित पारेर काम बन्नेछ, तर आहारविहार र स्वास्थ्यप्रति सचेत रहनु बेस हुनेछ ।

कुम्भ ( गु, गे, गो, सा, सि, सु, से, सो, दा )
यो साता लाभ, हानी, आय, व्यय, सुख, दुख मिश्रित फल मिल्नेछ । शेयर बजारमा उतारचढाव आइ रहनेछ । सद्विचारले अभिप्रेरित हुनेहरूलाई बिस्तारै लाभ मिल्नेछ । धार्मिक र सांस्कृतिक महत्त्वको क्षेत्रमा भ्रमण हुनेछ । अनुहारमा कान्ति र मनमा शान्ति छाउनेछ ।

मीन ( दि, दु, थ, झ, ञ, दे, दो, चा, चि )
यो हप्ता नयाँ काममा हात हाल्ने समय छ । आफ्नो क्षेत्रमा प्रभूत्त्व जमाउन सकिनेछ । जीवनसाथीको सल्लाहमा गरिएको कार्यबाट अधिक सफलता मिल्नेछ । बुधबारबाट शैक्षिक क्षेत्र कमजोर रहनेछ । प्रेममा बाधाका साथै बन्न लागेको काम विग्रन सक्छ । ज्यो.प. नारायणप्रसाद दुलाल (अधिक जानकारीका लागि 977-9849559502)