भारतमा तीन लाख ४९ हजार ६ सय ९१ जनामा संक्रमण पुष्टि

दैनिक रुपमा भारतमा कोरोना भाइरसका संक्रमितको संख्या थपिने क्रम रोकिएको छैन।

भारतको स्वास्थ्य मन्त्रालयका अनुसार पछिल्लो २४ घण्टा (शनिबार) मा तीन लाख ४९ हजार ६९१ जनामा संक्रमण पुष्टि भएको छ।

मन्त्रालयका अनुसार सो अवधिमा कोभिड-१९ बाट २७ सय ६७ जनाको ज्यान गएको छ। अहिलेसम्म कोभिड-१९ बाट एक लाख ९२ हजार ३ सय ११ भारतीयको ज्यान गइसकेको छ।

कुल संक्रमितको संख्या एक करोड ६९ लाख ६० हजार भन्दा धेरै पुगेको स्वास्थ्य मन्त्रालयले उल्लेख गरेको छ ।

शुक्रबार एकै दिन तीन लाख ४६ हजार ७ सय ८६ जनामा संक्रमण भएको थियो भने २६ सय २४ जनाको ज्यान गएको थियो ।