शनिबार कुन जिल्लामा कति संक्रमित थपिए ?

काठमाडौं । नेपालमा कोरोना संक्रमितको संख्या ३ लाख २८ हजार ८९३ पुगेको छ । गत २४ घण्टामा देशभर ५ हजार ७६३ जना संक्रमित थपिएको स्वास्थ्य तथा जनसंख्या मन्त्रालयले जनाएको छ ।

स्वास्थ्य मन्त्रालयका अनुसार प्रदेश १ को इलाममा ५, उदयपुरमा ३, ओखलढुंगामा २, खोटाङमा २, झापामा ५२, ताप्लेजुङमा २, धनकुटामा ४, पाँचथरमा २, भोजपुरमा १, मोरङमा ३४, संखुवासभामा २, सुनसरीमा ६९, सोलुखुम्बुमा २ जनामा कोरोना भेटिएको छ ।

प्रदेश २ को धनुषामा १३, पर्सा १६३, बारामा ४१, महोत्तरीमा १०, रौतहटमा २४, सप्तरीमा ६, सर्लाहीमा १६ र सिरहामा ९ जनामा कोरोना पाइएको छ । बागमती प्रदेशको काठमाडौंमा मात्र १९३२ जनामा कोरोना पुष्टि भएको छ ।

त्यस्तै काभ्रेपलाञ्चोकमा १०५, चितवनमा १७७, दोलखामा ६, धादिङमा २०, नुवाकोटमा ५३, भक्तपुरमा २०८, मकवानपुरमा ७१, रामेछाप १६, ललितपुरमा ३५५, सिन्धुपाल्चोकमा ३५, रसुवामा १५, र सिन्धुलीमा २९ जनामा कोरोना भेटिएको मन्त्रालयले जनाएको छ ।

गत २४ घण्टामा गरिएको परीक्षणमा गण्डकी प्रदेशको बाग्लुङमा २९, कास्कीमा २१२, गोरखामा ६७, तनहुँमा १६, नवलपरासी पूर्वमा ४३, पर्वतमा ८, म्याग्दीमा १२, लमजुङमा ११ र स्याङजामा २० जनामा कोरोना पुष्टि भएको छ ।

लुम्बिनी प्रदेशको अर्घाखाँचीमा ३१, कपिलवस्तुमा १८, गुल्मीमा १२, दाङमा २५१, नवलपरासीमा २८, पाल्पामा ३१, प्युठानमा ८, बर्दियामा ५५, बाँकेमा ५५१, रुकुम पूर्वमा २, रुपन्देहीमा ४२२ र रोल्पामा ११ जनामा कोरोना पाइएको छ ।

गत २४ घण्टामा कर्णाली प्रदेशको कालिकोटमा ४, जाजरकोटमा ८, जुम्लामा ५, दैलेखमा ७, रुकुम पश्चिममा ७, सल्यानमा २५, डोल्पामा १, मुगुमा १ र सुर्खेतमा ९७ र हुम्लामा २ जनामा कोरोना भेटिएको छ ।

सुदूरपश्चिम प्रदेशको अछाममा ३, कञ्चनपुरमा ३७, कैलालीमा १२५, डडेल्धुरामा २३, डोटी २२, दार्चुलामा १, बाजुरामा ३ र बैतडीमा ३, बझाङमा २ जनामा कोरोना भेटिएको मन्त्रालयले जनाएको छ ।