काठमाडौं उपत्यकामा कति थपिए कोरोना संक्रमित ?

काठमाडौं । पछिल्लो २४ घण्टामा काठमाडौं उपत्यकामा ४ हजार १९८ जना व्यक्ति कोरोना संक्रमित भएका छन् । काठमाडौंमा ३ हजार १६१, भक्तपुरमा ५०४ र ललितपुरमा ५३३ जनामा संक्रमण पुष्टि भएको छ ।

स्वास्थ्य तथा जनसंख्या मन्त्रलायका अनुसार आज देशभर ८ हजार ७७७ जना पिसिआर विधिबाट र ७७ जना व्यक्ति एन्टीजेन विधिबाट परीक्षण गर्दा संक्रमित पुष्टि भएका छन् ।

त्यस्तै, पछिल्लो २४ घण्टामा ५२ जना कोरोना संक्रमितको निधन भएको छ । योसँगै नेपालमा संक्रमणबाट ज्यान गुमाउनेको संख्या ३ हजार ६ सय ८४ जना पुगेको छ ।