टिका शर्मा ‘कोपिला’ र सूर्य खड्काको तीज गीत सार्बजनिक

काठमाडौँ : चर्चित गायिका टीका शर्मा ‘कोपिला’ ले जापानबाट आफ्नो पहिलो तीज गीत ‘माइतिकै हेला’ सार्वजनिक गरेकी छन् । गीतमा टिका शर्माको स्वर तथा शब्द र लोकप्रिय सर्जक सूर्य खड्काको सङ्गीत र थेगो रहेको छ । छायाँकन, सम्पादन र निर्देशन भने गोविन्द बिस्टले गरेको छन् ।

गीतमा माईतीबाट हेला भएकी चेलीको कथालाई देखाउन खोजिएको छ। टिका शर्मा कोपिला को मुख्य अभिनय रहेको भिडियोमा रुप शर्मा, मुना लम्साल, दर्सना गिरि, प्रतीमा आचार्य, आरती आचार्य र रमा सापकोटाले साथ दिएका छन्।

बाग्लुङमा जन्मिएर चितवनलाई उच्च शिक्षा र कर्मथलो बनाएकी उनी हालं रोजगारीका क्रममा योकोहामा जापानमा रहेकी छन् । सानै देखि स्कूल तथा एफ् एम् रेडियोमा गीत गाउने गरेकी उनले स्थानीय तथा रास्ट्रीय प्रतियोगिताहरुमा थुप्रै पुरस्कार तथा अवार्ड पुरस्कार समेत जितेकी छन् ।

परदेशमा रहे पनि आफ्नो देश र सँस्कृतिको मायाले झन् सताउने गरेकाले मौलिक गीत गाउन चाहना बढेको उनले बताइन् । यस गीतले ग्रामिण महिलाको समस्या उजागर गर्नुको अतिरिक्त जनचेतना जगाउन पनि महत्त्वपूर्ण भूमिका खेल्ने कुरामा बिस्वस्त छु सङ्गीतकार सूर्य खड्काले भने । गीतलाई gms music & films च्यानलबाट सार्वजनिक गरिएको छ।