नेपालमा फेरि बढ्यो कोरोना संक्रमण, मृत्युदर भने उस्तै

काठमाडौं । पछिल्लो २४ घण्टामा देशभर ३ हजार ८९९ जना कोभिड-१९ संक्रमित थपिएका छन् । १२ हजार ६५५ जनाको पीसीआर परीक्षण गर्दा २ हजार ७२६ जनामा र ४ हजार ८६३ जनाको एन्टिजेन परीक्षण गर्दा १ हजार १७३ जनामा संक्रमण देखिएको हो ।

यस्तै, १ हजार ७७८ जना संक्रमण मुक्त भएका छन् । स्वास्थ्य मन्त्रालयका अनुसार संक्रमणका कारण थप २० जनाको मृत्यु भइसकेको छ । देशभर हालसम्म कोभिड-१९ संक्रमणका कारण ९ हजार ७५८ जनाको मृत्यु भइसकेको छ ।