आमा बन्दै अभिनेत्री काजल अग्रवाल

बलिउड तथा दक्षिण भारतकी चर्चित अभिनेत्री काजल अग्रवाल आमा बन्ने भएकी छन्। उनका श्रीमान गौतम किच्लुले सन् २०२२ को नयाँ वर्षका दिन इन्स्टाग्राममा यसबारे जानकारी दिएका थिए।

पेसाले व्यवसायी गौतमले काजलको फोटो राख्दै क्याप्सनमा गर्भवतीको इमोजी राखेर आफूहरू आमाबुवा बन्न लागेको खबर दिएका थिए।
काजलले हालै सामाजिक सञ्जालमा ‘प्यारेन्टल क्लास’ लिएका तस्बिर पनि राखेकी छन्। सुन्दर अभिनेत्रीका रूपमा धेरै प्रशंसकले मनपराउने काजललाई बधाइ दिनेको ओइरो छ।

उनीहरू बिहे सन् २०२० अक्टोबरमा भएको थियो। कोरोना महामारीका कारण उनीहरूको बिहेमा परिवार र निकट आफन्त तथा साथीहरूको मात्र उपस्थिति थियो।