बागमती प्रदेशसभाको बैठक असार २९ गते बस्ने

काठमाडौं । बागमती प्रदेशसभाको दशौँ अधिवेशनको बैठक असार २९ गते अपराह्न १ बजे बस्ने जनाइएको छ ।

प्रदेशसभा सचिवालयका प्रमुख सचिव कृष्णहरि खड्काले उक्त प्रदेशसभाको बैठकमा प्रदेश सरकारद्वारा प्रस्तुत गरिएका केही अध्यादेश र विभिन्न समितिमा विधेयक दफावार छलफल भई प्रतिवेदनसहित उक्त विधेयक प्रस्तुत गर्ने कार्यसूची रहेको जनाए ।

त्यस्तै, प्रदेशसभाका सबै सदस्यलाई असार २९ गते हुने बैठकमा सहभागी हुन सूचना सम्प्रेषण गरिएको छ ।

यसअघि, बागमती प्रदेशसभाको बैठक असार १६ गते भएको थियो । सभामुख सानुकुमार श्रेष्ठले उक्त बैठकमा प्रदेश सरकारको आगामी आर्थिक वर्ष २०७९/८० को विनियोजित बजेट बहुमतले पारित भएको घोषणा गर्दै अनिश्चितकालका लागि बैठक स्थगन गरेका थिए ।