चाँडै चुनावको मिति घोषणा हुनसक्छ– माधव नेपाल

काठमाडौं । नेकपा एकीकृत समाजवादीका अध्यक्ष माधवकुमार नेपालले अब कुनैपनि बेला प्रतिनिधिसभा र प्रदेशसभाको निर्वाचन मिति घोषणा हुने बताएका छन् ।

अध्यक्ष नेपालले शुक्रबार पार्टीको वागमती प्रदेश कमिटीको बैठकलाई सम्बोधन गर्दै मंसिरमा चुनाव हुने भएकाले त्यसको चार महिनाअघि मिति घोषणा गरिने र अब कुनैपनि बेला मिति घोषणा हुन सक्ने बताएका हुन् । उनले भने, ‘अब त्यो तयारीमा जुट्नुस्, कार्यकर्ताको विन्यास गर्नुस्, जिम्मा दिएर पठाउनुस्, घरघरमा जाने काम भएको छ कि छैन अहिलेदेखि नै स्वयंसेवक पनि खटाउनुस् ।’ साथै, उनले अबको चुनावमा चारवटा मतपत्र हुने समेत बताए ।

सम्बोधनकै क्रममा उनले देशव्यापी उम्मेदवार दिएर गए आफ्नो पार्टीले अबको चुनावमा सबै ठाउँमा जित्न नसके पनि प्रतिनिधिसभामा २०,२५ सिट जित्ने दावी गरे ।