काठमाडौं । पूर्वप्रधानमन्त्री एवम् नेकपा एमाले अध्यक्ष केपी शर्मा ओली र नेपालका लागि फ्रान्सका राजदूत गिल्स बौरबाओबीच भेटवार्ता भएको छ ।

सोमबार राजदूत बौरबाओले प्रमुख प्रतिपक्ष दलका नेता ओलीलाई भेटेर दुई देशबीचको सम्बन्ध र समसामयिक विषयमा छलफल भएको स्रोतले जनाएको छ । उनीहरुबीच दुईपक्षीय सम्बन्ध र आपसी हितका बारेमा पनि छलफल भएको बताइएको छ ।

राजदूत बौरबाओ नेपालको आर्थिक र सामाजिक विकासका लागि फ्रान्स सधै सकारात्मक रहेको उल्लेख गरेका छन् । उनले दुई देशबीच आपसी सहयोग आदान प्रदान गर्नुपर्ने बताए । त्यस्तै, भेटवार्तामा एमाले उपमहासचिव विष्णु रिमाल पनि सहभागी थिए ।