काठमाडौं । ललितपुर महानगरपालिकाले नगरवासीको सेवामा एक कदम अगाडिको नारासहित दुई पाङ्ग्रे विद्युतीय सवारीबाट नियमित गस्ती दिने भएको छ ।
महानगरका मेयर चिरिबाबु महर्जनले आज एक कार्यक्रमका बीच गस्तीका लगि तयार विद्युतीय सवारीहरूको उद्घाटन गरेका छन् । उनले महानगरमा शान्ति सुव्यवस्था कायम गर्न नियमित गस्ती प्रभावकारी हुने विश्वास व्यक्त गरे । गस्तीले पार्किङ रेखदेख र व्यवस्थित गर्ने, नगर सरसफाइमा सहयोग गर्ने, गाडी प्रवेश गर्न नसक्ने स्थानमा पनि तत्काल पुगेर सहयोग तथा उद्वार गर्ने, सर्वसाधारणलाई असहज हुने गरी राखिएका फुटपाथ हटाउने लगायतका कार्य गर्ने जनाइएको छ ।
