आजदेखि समितिले प्रतिवेदन लेखन सुरु गर्ने..

काठमाडौं । पूर्व अर्थमन्त्री जनार्दन शर्मामाथि छानबिन गर्न गठित समितिले आजदेखि प्रतिवेदन लेखन सुरु गर्ने जनाएको छ ।

समितिका सचिव सुरेन्द्र अर्यालले विहान साढे ११ बजे सिंहदरबारमा सुरु हुने बैठकमा प्रतिवेदन लेख्नका लागि छलफल सुरु हुने जनाए । त्यस्तै, समितिका एमालेतर्फका सदस्यले सत्तापक्षले प्रमाण लुकाएको आरोप लगाएका छन् । यद्यपि मंगलबार बसेको दोस्रो बैठकमा प्रतिवेदन सकेसम्म सबै सदस्यको सहमतिका आधारमा लेख्ने समझदारी बनेको छ ।

मन्त्रालयमा चालु आर्थिक वर्ष २०७९/०८० को बजेट निर्माणका क्रममा अनधिकृत व्यक्ति प्रवेश गराएर करका दर हेरफेर गरेको आरोप लागेपछि शर्माले राजीनामा दिएका थिए । उक्त विषयमा छानबिन गर्न बनेको संसदीय विशेष समितिलाई १० दिनको म्याद दिए पनि ७ दिन थपिएको थियो । समितिले भोलि अन्तिम दिन प्रतिवेदन बुझाउने तयारी गरेको छ ।