अध्यक्ष ओली कार्यकर्तासँग अर्न्तक्रिया गर्न पुगे झापा

काठमाडौं । नेकपा एमालेका अध्यक्ष केपी शर्मा ओली कार्यकर्तासँग अर्न्तक्रियाका लागि झापा पुगेका छन् ।

उनी बुधबार आफ्नो संसदीय निर्वाचन क्षेत्रसमेत रहेको झापा पुगेका हुन् । झापा पुगेर उनले आजै प्रशिक्षण दिन सुरू गरेका छन् । उनको सचिवालयले बुधबार ओलीले नेपाल उत्पीडित जातीय मुक्ति समाजका अगुवा कार्यकर्तालाई प्रशिक्षण दिएको जनाएको छ ।

त्यस्तै, ओलीसँगको अन्तर्क्रिया कार्यक्रममा अग्रिम नाम टिपाएका कार्यकर्ताले मात्रै ओलीलाई प्रश्न गर्न पाउनेछन् । सचिवालयका अनुसार उनी ३ दिनसम्म झापा रहनेछन् ।