भारतले सबै नाकामा थप कडाई गरेको छ । आज पनि कुनै नाकाबाट सवारी साधान आउन सकेका छैनन । विरगञ्जमा तनाव कायम रहेका छ भने नाका ठप्प छ । भैरहवा, रुपडिया नाका पनि ठप्प नै छन् । भारतीय सुरक्षा निकायले मालसामान सहितका गाडी सिमानामा रोकेपछि ठप्प बन्न पुगेको हो ।

दिउँसो १२ बजेदेखि सम्पूर्ण गाडी सीमाक्षेत्रमा रोकिएका छन् । सिमानामा तैनाथ एसएसबीले सुरक्षाको कारण जनाउँदै माथिल्लो निकायबाट गाडी रोक्न आदेश भएको जनाएको छ । भारतीय मालबाहक कम्पनी तथा यातायातकर्मीले सीमावरिपरिको बिग्रँदो अवस्थाका कारण फेरि पनि चिन्ता व्यक्त गरेका छन् ।