मधेसी र मधेस आन्दोलन विरोधी भनि चित्रित गरिएका प्रधानमन्त्री केपी शर्मा ओलीले मधेस समस्या समाधानको लागि आफै पहल थालेका छन ।
आजको ब्यवस्थापिका संसदको आजको बैठकमा मधेसी मोर्चाका नेता र बार्ता टोलीका सदस्यहरुलाई अनौपचारिक रुपमा भेटेर मधेसको समस्या चाडो भन्दा चाडो समाधान गर्न आफू तयार रहेकोले त्यसकोलागि प्रयत्न थाल्न आग्रह गरेका थिए ।
प्रधानमन्त्रीले आफू बार्ता टोलीको स्तरमा र शिर्ष तहमा समेत कुरा गर्न तयार रहेको भन्दै बार्तामा आउन तयार हुन आग्रह गरेका थिए ।
सो क्रममा प्रधानमन्त्रीले नेपाली काग्रेसले संसदमा दर्ता गराएको संविधान संसोधन प्रस्तावमा मधेसी दलको समेत सहमतिको प्रयास गर्ने र सबैको सहमतिमा सो प्रस्तावलाई अगाडि बढाउने बताएका थिए ।
प्रधानमन्त्रीको प्रस्ताव पछि मधेसी मोर्चाले अनौपचारिक छलफल गरेर बार्ता गर्नु पर्ने निष्कर्स निकालेको बताईएको छ । बार्ता टोलीका सदस्य लक्ष्मणलाल कर्णले प्रधानमन्त्रीले आग्रह गरेकोले बार्ता टोली र शिर्ष तह दुबै तहमा अाज बार्ता हुन सक्ने सम्भावना ब्यक्त गरे । यद्यपि बार्ता गर्ने नगर्ने भन्ने विषयमा आफूहरुले औपचारिक निर्णय नगरिसकेको बताए ।
अघिल्लो साता भएको बार्ता सकारात्मक भएकै बेला बीरगञ्ज घटनापछि मोर्चाले बार्ताको औचित्य नभएको घोषणा गरेपछि अन्यौलता बढेको थियो ।