भारतमा असफल भएपछि हङकङमै फर्किए अंशुमन रथ

एजेन्सी । भारतीय घरेलु क्रिकेटमा राम्रो प्रदर्शन गर्न नसकेपछि अंशुमन रथ हङकङको टोलीमै पुनः फर्किएका छन् । यसै साता हङकङले चार देश सम्मिलित टि-२० आई सिरिजको उपाधि जित्दा अंशुमन रथले महत्वपूर्ण प्रदर्शन गरेका थिए ।

उनले हङकङबाट पूनरागमन गर्दै बहराइनविरुद्ध २१, कुवेतविरुद्ध ५७ र मलेसियाविरुद्ध ४९ रनको इनिङ खेलेका थिए । रथ २०१८ पछि हङकङ छाडेर भारत लागेका थिए ।

२०१८ को एसिया कपमा सानदार प्रदर्शनपछि उनले घरेलु क्रिकेट खेल्दै भारतीय टोलीबाट खेल्ने सपना देखेर हङकङ छाडेका थिए । २५ वर्षीय रथले १८ ओडिआई खेलमा १ शतक र ७ अर्धशतकसहित ८ सय २८ रन बनाएका छन् । २३ टि २० आई खेलमा ४ सय ४३ रन बनाएका छन् ।