संसद वैठकमा यसरी गरे दुइ पक्षले अा-अाफ्नै नाराबाजी

मधेसको माग पुरा गरेर आन्दोलनलाई संबोधन गर्न माग गर्दै केही दिनदेखि मधेसी दलहरुले ब्यवस्थापिका संसदको बैठकमा नारावाजी गर्दै अवरुद्ध गरिरहेकोमा आज नेपाल मजदुर किसान पार्टीले समेत संसदमा नरावाजी गरेको छ ।
मधेस केन्द्रीत दलले मधेसको माग सम्वोधन गर्न माग गर्दै नारावाजी सहित रोष्ट्रम घेराउ गरेका हुन् ।
बैठक सुरु हुनासाथ सभासमुख ओनसरी घर्तीले कांग्रेस सांसद फर्मुला मनसुरलाई समय दिएपछि मधेस केन्द्रित दलका सांसदले नाराबाजी सुरु गरेका थिए ।
मधेसी सभासदहरुको नारावाजीसँगै भारतले नेपालको अन्तरिक मामिलामा हस्तक्षेप गरेको भन्दै नेमकिपा सभासदहरुले नारावाजी गरेका हुन ।
मधेसी मोर्चाका सांसदहरुले रोष्टम घेराउ गरिरहँदा नेपाल मजदुर किसान पार्टीका सांसदले भने आफ्नो स्थानमा उभिएर भारतीय हस्तक्षेपविरुद्ध नाराबाजी सुरु गरे । प्रेम सुवाल र अनुराधा थापाले नाराबाजी गरेका हुन् ।
उनीहरुले सुनसरी घटनाका दोषीलाई कारबाही गर्न, भारतीय राजदूतलाई फिर्ता गर्न माग गरेका छन् ।

निर्धारित समयभन्दा एक घन्टा ढिलो सुरु भएको उक्त बैठकमा लगातार आधा घन्टाको नाराबाजी भएको थियो । बैठकमा केही सांसदले नाराबाजी गरिरहँदा अरु सांसद भने एकापसमा कुराकानी गरेर समय कटाइरहेका थिए । सांसदले रोस्ट्रम घेरेर लगातार नाराबाजी गरिरहेका अवस्थामा बैठक चल्न नसक्ने भएको जनाउँदै यो अवस्थालाई अवरोधको अवस्था मानिने भएकाले बैठक स्थगन गरिएको सभामुखले बताईन ।
संसद्को आजको बैठकका लागि सभामुखले प्रधानमन्त्री तथा मन्त्रिपरिषद्को कार्यालयबाट प्राप्त पत्र पढेर सुनाउने मात्र कार्यसूची थियो । व्यवस्थापिका–संसद्को अर्काे बैठक यही मङ्सिर २० गते अपराह्न १ बजे बस्नेछ ।