गौरमा मोर्चाका कार्यकर्ता एवम स्थानिय बीच झडप चार घाइते

रोशन पोखरेल
रौतहटको सदरमुकाम गौर स्थित नेपाल भारत सीमा नाका ठप्प पारेर धर्नामा बसेका संयुक्त मधेशी मोर्चाका कार्यकर्ता र गौरका स्थानिय बीच झडप हुदा चार जना घाइते भएका छन। विवाहको सामान किनेर भारतबाट नेपाल फर्किदै गरेका गौर २ का रोहित साह माथी धर्नामा बसेका आन्दोलनकारीहरूले कुटपिट गरेपछि गौरका स्थानिय बासी प्रतिकारमा उत्रिएका हुन। आन्दोलनकारीबाट कुटाई खाएपछि साहले आफन्त एवम स्थानिय बासी सँग सहयोग मागेका थिए। झडपमा मुडवलवा गाविसका चन्द्रगुप्त यादव सहित चार जना घाइते भएका छन।