एजेन्सी । हलिउड अभिनेता अल पचिनो ८३ वर्षको उमेरमा चौथो सन्तानको पिता बनेका छन् । उनकी २९ वर्षकी प्रेमिकाले छोरालाई जन्म दिएकी छिन् । प्रेमिका अल्फालाहसँग पचिनोको यो पहिलो सन्तान हो । दम्पतीले बच्चाको नाम रोमन पचिनो राखेका छन् ।

अल पचिनोका तीन सन्तान छन् । यी सन्तान उनका पहिलो दुई श्रीमतीका हुन् । अल पचिनोसँग बेभर्ली डी’एन्जेलोबाट २२ वर्षीय जुम्ल्याहा, एन्टोन र ओलिभिया छन् । त्यस्तै अभिनय कोच जोन टारेन्टबाट उनको एक ३३ वर्षीया छोरी जुली मेरी छिन् ।

यो क्षण अल पचिनोका लागि धेरै विशेष
बाबु बनेपछि अल पचिनो निकै खुसी छन् । तपाईलाई बताइ दिउ पचिनोको प्रेमिका गर्भवती भएको खबर भर्खरै मिडियामा आएको थियो । जसको जवाफ दिँदै अल पचिनोले भने कि यो उनको लागि धेरै विशेष क्षण हो ।

मिडिया रिपोर्टका अनुसार नूर अल्फाल्लाहले गर्भावस्थाको कुरा अल पचिनोबाट ११ हप्तासम्म लुकाएर राखेकी थिइन् । यसको कारण बताइयो कि अल पचिनो र उनका बच्चाहरु यो उमेरमा पिता बन्न चाहँदैनन् ।

तर, पछि अल पचिनोले डीएनए परीक्षण गराए र खुसीसाथ यो बच्चालाई ग्रहण गरे । पचिनो र नूर पहिलो पटक भेनिसमा अप्रिल २०२२ मा एकअर्कालाई डेट गर्दै देखिएका थिए । त्यसपछि दुवैजना प्रायः आउटिङ र डिनरमा सँगै देखिन्थे । दुवै कोरोनाको समयदेखि नै एकअर्कालाई डेट गरिरहेका थिए ।