आदिपुरुष फिल्म समीक्षा : वीएफएक्स धेरै प्रयोग, दर्शकलाई बनाउँछ निराश

फिल्म : आदिपुरुष
ऐक्टर : प्रभास, सैफ अली खान, कृति सेनन, देवदत्त जी नाग, सन्नी सिंह, वत्सल सेठ
निर्देशक : ओम राउत
विधा : पौराणिक कथा
अवधि : २ घण्टा ५९ मिनेट

‘कपडा तेरे बाप का, तेल तेरे बाप का, जलेगी भी तेरे बाप की‘।’ रावणको लंका जलाउनुअघि जब हनुमानले रावणका छोरा इन्द्रजितसँग यस्ता संवादहरू बोल्छन्, तब सिनेमामा उपस्थित दर्शकहरुको अनुहारको रंग फेरिन्छ । यसैबीच, कतिपय मानिसहरु यी सतही संवादमा हाँसेको पनि देखिन्छ ।

अहिलेको युगमा निर्देशक ओम राउतले रामकथालाई फेरि एक पटक आदिपुरुष पर्दामा ल्याउने प्रयास गरेका छन् । निर्माण पक्षले सुरुमै यो चलचित्र वाल्मीकि रामायणको नाटकीय रूपान्तरण भएको भन्दै दर्शकलाई सचेत गराएका छन् । रामायण बारे थप जान्न रामायण पढ्नुहोस् भनेर बताएको छ ।

फिल्मको कथा त्यही हो, जुन हामीले सधैं सुन्दै आएका छौं । फिल्म लंकेश (सैफ अली खान) को पहाडमा तपस्याबाट सुरु हुन्छ, जहाँ उनले जगतका पिता ब्रह्माबाट वरदान पाउँछन् । र चौध वर्षदेखि निर्वासनमा रहेका राघव (प्रभास) आफ्नी श्रीमती जानकी (कृति सेनन) र भाइ शेष (सनी सिंह) सँग जंगलमा समय बिताइरहेका हुन्छन् ।

आफ्नी बहिनी शूर्पणखाको अपमानको बदला लिन रावणले जानकीलाई अपहरण गर्छ । राघव जानकीलाई फिर्ता लिनको लागि उनको मद्दत खोज्न वनराज सुग्रीवसँग पुग्छन् । त्यहाँ उनले आफ्नो परम भक्त बजरंग (देवदत्त जी नाग) लाई भेट्छन् । राघवले सुग्रीवको बाँदर सेनाको साथ लंका आक्रमण गर्छन् र रावणलाई मारेर जानकीलाई अयोध्या फर्काउँछन् ।

तानाजीजस्तो सुपरहिट फिल्म बनाएका निर्देशक ओम राउतले रामायणलाई नयाँ जमानाका दर्शकका लागि हलिउड शैलीमा बनाउन यति धेरै परिवर्तन गरेका छन्, जुन रामानद सागरले बनाएको रामायण हेर्ने दर्शकलाई अनौठो लाग्न सक्छ ।

इंटरवलअघि फिल्मको कथाले दर्शकमा आशा जगाएको भएपनि इंटरवलपछि निर्देशकलाई फिल्म पूरा गर्न हतार भएको देखिन्छ । विशेष गरी क्लाइम्याक्सको समयमा झगडाका दृश्यहरूमा हैवी वीएफएक्स प्रयोग गरिएको छ, तर तिनीहरूले कथाको स्तरमा दर्शकहरूलाई मनोरजंन दिदैन ।

यो फिल्ममा वीएफएक्समा धेरै खर्च गरिएको छ, जसका कारण यसको बजेट लगभग ६०० करोड पुगेको छ । यद्यपि राम, सीता र रावणका केही दृश्यहरू बाहेक भिएफएक्सले दर्शकलाई त्यति प्रभावित गर्न सकेको छैन । सायद ओम राउतले बालबालिकालाई ध्यानमा राखेर लंका र राक्षस र वानर सेना जस्ता हलिउड फिल्म बनाएका हुन् ।

तर अफसोस, आजका बच्चाहरू पनि हलिउडको उत्कृष्ट गुणस्तरको वीएफएक्स हेर्न मन पराउँछन् । चलचित्र राही सहि कसरका संवाद लेखक मनोज मुन्तासिरले ‘ये लंका क्या तेरी बुवा का बगीचा है’ जस्ता सतही संवादका साथ पूरा गरेका छन् । तर, फिल्मको सङ्गीतले पक्कै पनि प्रभाव पार्छ ।

प्रभासले रामको भूमिका निभाएका छन् भने कृति सेनन सीताको भूमिकामा देखिएकी छन् । तर रावणको भूमिकामा सैफ अली खान र उनका योद्धाहरू असुर कम र मध्यकालीन आक्रमणकारीहरू जस्तै देखिन्छन् । बाल्यकाल देखि सुनौलो लंका सुन्ने दर्शकलाई हलिउड चलचित्र जस्तै कालो ढुङ्गामा मुकुट बिना कालो बस्त्र लगाएर रावणका योद्धा देख्दा अनौठो लाग्छ ।

यद्यपि सैफले रावणको भूमिकामा जीवन्तता ल्याउन सक्दो प्रयास गरेका छन् । अर्कोतर्फ, देवदत्त जी नागले हनुमानको भूमिकामा राम्रो काम गरेका छन् । लक्ष्मणको भूमिकामा सन्नी सिंहले पनि राम्रो अभिनय गरेका छन् ।

फिल्ममा धेरैजसो क्यारेक्टरहरू वीएफएक्सबाट बनाइएको छ, जसले खासै प्रभाव छोड्दैन । विशेष गरी रावणले पुष्पक विमानको रूपमा ठूलो ब्याटमा बसेर चमेराको सेनाको सहयोगमा लडेर सीताको अपहरण गर्नु अनौठो लाग्छ । अर्कोतर्फ, रावणको जोम्बीजस्ता राक्षसहरू पनि प्रभावहीन देखिन्छन् ।

यदि तपाइँ हैवी वीएफएक्स भएका कार्टुन चलचित्रहरुको शौकीन हुनुहुन्छ भने, तपाइँ यो चलचित्र बच्चाहरुसँग हेर्न सक्नुहुन्छ । तर, रामायण हेर्ने हो भने फिल्मको सुरुमा दिइएको चेतावनी अनुसार रामायण पढ्नु नै राम्रो हुन्छ । नत्र फेरी रामानन्द सागरको रामायण सिरियल हेर्नुहोस् ।