मधेसी मोर्चामा चर्कियो विवाद

आफूहरुको आन्दोलनको कारण मुलुकमा उत्पन्न समस्या समाधानको विषयमा मधेसी मोर्चाका शिर्ष नेताहरुवीच चरम विवाद सुरु भएको छ ।
स्रोतका अनुसार संघीय समाजवादी फोरम नेपालका अध्यक्ष उपेन्द्र यादव र तराई मधेस लोकतान्त्रिक पार्टीका अध्यक्ष महन्थ ठाकुर यो विवादमा एक ठाँउमा उभिएका छन भने सद्भावना पार्टीका अध्यक्ष राजेन्द्र महतो र तराई मधेस सद्भावना पार्टीका अध्यक्ष महेन्द्र यादव एक ठाँउमा उभिएका छन ।
उपेन्द्र र महतो अहिले सरकारसँग सम्झौता गरेर जाने पक्षमा छन । उनीहरु अहिले अन्य विषयमा विश्वासिलो प्रतिबद्धता आए त्यसमा सहमति गरेर मुलुकलाई निकास दिने पक्षमा छन ।
तराई मधेस लोकतान्त्रिक पार्टीका महामन्त्री सर्वेन्द्रनाथ शुक्लले मुलुकको आर्थिक स्थिति तहसनहस हुन लागेकोले आफूहरु आन्दोलनको स्वरुप परिवर्तन गरेर जाने पक्षमा रहेको प्रतिक्रिया एि । उनले भने,‘ सरकारले ठोस प्रस्ताव ल्याएर बार्ता गरे हामी नाकाबाट हट्न तयार छौ ।
तर राजेन्द्र र महेन्द्र भने सरकारलाई झुकाएर छाड्नु पर्ने भन्दै अहिले नाकाबन्दी कुनै हालतमा नखोली अझै कडा पार्दै जाने पक्षमा छन । उनीहरु आफूहरुको माग प्याकेजमै समाधान नगरेसम्म आन्दोलनबाट ब्याक नहुने पक्षमा छन । जसका कारणले मधेसी मोर्चा र मधेसको आन्दोलन अन्यौलमा परेको जानकारहरु बताउँछन ।