सालका रूख काटिदै, वन कर्मचारी तलब पचाँउदै

रोशन पोखरेल

संयुक्त मधेशी मोर्चाले गरेको तराई बन्द एवं भारतले अघोषित रूपमा गरेको नाकाबन्दीले देश अभावै अभावमा गुज्रीएको बेला काठ तस्करहरू भने मौलाएका छन। तस्करहरूले वनमा रहेका सालका रूखहरू धमाधम काटिरहदा समेत अनुगमनकारी निकाय कानमा तेल हालेर बसेको देखीन्छ। वनमा आरा चल्दैछ, चारैतिर गोलिया र रूखका ठुटाहरू छरिएका छन, लहरै रूखहरू सोतर पारेर ढालिएको छ तर पनि जिल्ला वन कार्यालयका कर्मचारी अनुगमनमा निक्लीएको पाइदैन। वन कर्मचारीहरू तलब मात्र पचाउन बसेका हुन कि तस्करहरू सँग मिलेमतो गर्दै जङ्गल तहस नहस पार्न थालेका हुन भन्ने प्रश्न आम सर्वसाधारणले गर्न थाली सकेका छन। सम्वन्धीत निकायबाट समयमै ध्यान दिइयो नत्र हरियो वन नेपालको धन इतिहासमा मात्र सिमीत हुनेछ।