सरकार र मधेशि मोर्चा बिचको वार्ता एकाएक यसरी भाडियो

प्रमुख प्रतिपक्षी, सत्तारुढसहित पाँच दल र मधेसी मोर्चावीच विहान साढे नौ बजेबाट सुरु भएको बार्ता पौने एक वजेसम्म चल्यो । बार्तांको प्रारम्भमा सौहाद्रपूर्ण रुपमा छलफलमा भाग लिदै सबैले आ आफ्नो धारणा राखिरहेका थिए । छलफल मुख्य रुपमा मधेसी मोर्चाको माग संबोधन गर्ने गरी कुन प्रस्तावलाई अगाडि बढाउने भन्नेमा केन्द्रीत थियो ।
त्यसक्रममा बोल्ने पालो प्रधानमन्त्री केपी शर्मा ओलीको आयो । उनले भने,‘संविधान संसोधन कस्ले दर्ता गरे मलाई थाहाँ छैन । काग्रेस र अरुले भन्छन । उपेन्द्र जी भन्नुस यो संसोधनले समस्या समाधान हुन्छ ।’ प्रधानमन्त्रीको प्रश्नमा उपेन्द्र यादवले यो संसोधनले समस्या समाधान हुँदैन हामी मान्दैनौ भनेर तत्काल जवाफ फर्काए ।
प्रधानमन्त्रीको त्यस्तो जवाफ पछि नेपाली काग्रेस आक्रोसित हुन पुग्यो । सभापति सुशील कोइरालाले तत्कालै प्रधानमन्त्रीले संसोधन प्रस्तावको विषयमा कसरी थाहाँ छैन भन्न सक्नु हुन्छ ? उहाँकै पार्टीका उपाध्यक्ष बामदेब गौतम भएको बेला क्याविनेटले अनुमोदन गरेको होईन ? तीन दलले काग्रेसले अगाडि बढाएको प्रस्ताव लैजान्छु भनेको होईन । यो सहमितमै आएको प्रस्ताव हो त्यसबाट प्रधानमन्त्री उम्किन पाउनु हुँदैन भनेर आक्रोस ब्यक्त गरे ।
त्यसपछि बैठक तनाबपूर्ण बनेको थियो सबै तिर आक्रोस पोखिएको थियो ।
त्यसपछि तीन दलको विचमा छलफल गर्न भन्दै प्रधानमन्त्रीले राप्रपा प्रमुख सचेतक दिलनाथ गिरी र उपप्रधानमन्त्री विजयकुमार गच्छदारलाई तपाईहरु बाहिर जानुस हामी छलफल गर्छौ भनेका थिए । गच्छदारले तपाईहरु छलफल गर्नुस हामी जान्छौ भन्दै निस्कीन खोजेपछि काग्रेस उपसभापति रामचन्द्र पौडेलले विजय र दिलनाथजी पनि बस्नुस मिलाएर लिएर जानुपर्छ भनेर फर्काउन खोजेका थिए । तर उनी निस्किएर छलफल हुन सकेन ।
रिपोर्टर्स नेपाल डटकमसँगको कुराकानीमा बैठकमा सहभागि उपप्रधान मन्त्री भीम रावलले नेकपा एमालेसँग सहमति नै नगरी काग्रेसले ब्यक्तिगत रुपमा पहिलो प्रस्ताव संसदमा दर्ता गराएको र दोस्रो संसोधन पनि काग्रेसका नेताहरुले ब्यक्तिगत रुपमा ल्याएको र यसले मधेसको समस्या समाधान नगर्ने धारणा प्रधानमन्त्रीले राखेको जानकारी दिदै प्रस्ताव केवल काग्रेसको ईन्ट्रेष्टमा मात्रै आएको बताए ।