वैशाख १५ देखि २१ गतेसम्म यस्तो रहेको छ तपाईको भाग्य, हेर्नुहोस् राशिफल

मेष (चु, चे, चो, ला, लि, लु, ले, लो, अ)
यो सातामा प्राय: सबै दिनहरू भाग्यशाली भएर देखा पर्नेछ । रोकिएका काम पुनः सुरु हुन सक्छ । लगनशीलताले कामहरू अगाडि बढ्नेछन् । व्यावसायिक योजनाको सम्भावना पनि छ । हरियो रङ्गको पहिरनले चुनौतीबाट मुक्त हुन सहयोग पुर्‍याउनेछ ।

वृष (इ, उ, ए, ओ, वा, वि, वु, वे, वो)
यो हप्तामा चुनौतीको सामना गरी गलत निर्णय लिन पुगिएला सचेत रहनुहोला । गरेको कार्यमा अवरोध आउला । सामान हराउने वा चोरी हुने भय छ । यात्रा गर्ने अवसर पनि जुट्नेछ । साताको मध्यबाट छोटो समयमा विशेष उपलब्धि हासिल गर्न सकिनेछ ।

मिथुन (का, कि, कु, घ, ङ, छ, के, को, हा)
यो साता एउटै कामबाट दोहोरो लाभ मिल्न सक्छ । आफूसँग भएको क्षमता प्रदर्शन गर्ने अवसर जुट्ला । पारिवारिक जीवन र प्रणय सम्बन्धमा पनि सकारात्मकता नै रहनेछ । मध्य सातामा प्रेममा बाधाका साथै मन कमजोर रहला । आज आर्थिक कारोबारमा विवाद बढ्नेछ ।

कर्कट (हि, हु, हे, हो, डा, डि, डु, डे, डो)
यो साता कार्य क्षेत्रमा अरुले गरेका भनेका कुरा चित्त नबुझ्ला । माल सामान हराउन सक्छ, होसियार रहनु पर्छ । आम्दानीमा पनि कमी आउनेछ । मध्य सातामा विद्या र बुद्धिको विकास हुनेछ । विभिन्न कार्यक्रममा नेतृत्वदायक भूमिका निर्वाह गर्न पाइनेछ ।

सिंह (मा, मि, मु, मे, मो, टा, टि, टु, टे)
यो साता नयाँ ज्ञान सिक्ने मौका पनि मिल्नेछ । रोकिएका काम पुनः सुरु हुन सक्छन् । हर्ष र प्रसन्नता छाउनेछ । प्रेमप्रसङ्गमा रमाइलोपन आउनेछ । घर जग्गाको कारोबारमा विशेष सफलता मिल्नेछ । आकस्मिक धन लाभ हुन सक्छ ।

कन्या (टो, पा, पि, पु, ष, ण, ठ, पे, पो)
यो साता महत्त्वपूर्ण कामको जिम्मेवारी आइलाग्नसक्छ । परोपकारी कार्यमा संलग्न भइनेछ । धन हात पर्ने र भौतिक सुख मिल्नेछ राजनीतिक कार्यमा ख्याति कमाउने योग छ । साताको अन्त्यमा शेयर बजार तथा व्यवसायमा नोक्सानी बेहोर्नु पर्ला ।

तुला (रा, रि, रु, रे, रो, ता, ति, तु, ते)
यो साता भाग्यले साथ दिनेछ । महत्त्वपूर्ण कामको जिम्मेवारी आइलाग्नसक्छ । शुभकार्यको चर्चा चल्ने र नयाँ कार्यको योजना बन्नेछ । परिश्रम अनुसार उपलब्धि पनि राम्रै पाइनेछ । प्राविधिक कार्यमा सफलता मिल्नेछ । पुरानो र बिर्सिसकेको साथीको सम्झना आउनेछ ।

वृश्चिक (तो, ना, नि, नु, ने, नो, या, यि, यु)
यो साता बढी मिहिनेतले बढी फाइदा मिल्नेछ । आम्दानी बढ्ने र उठ्नुपर्ने रकम हातलागी हुने समय छ विशिष्ट व्यक्तिबाट हौसला प्राप्त हुनेछ । मनोरञ्जन पनि होला । साताको अन्त्यमा आफन्तसँग खिन्नता बढ्न सक्छ । महत्वपूर्ण अवसर गुम्न सक्नेछ ।

धनु (ये, यो, भा, भि, भु, धा, फा, ढा, भे)
यो साता कला र गलाको प्रभाव बढ्नेछ । परोपकारी कार्यमा संलग्न भइनेछ । आफूसँग भएको क्षमता प्रदर्शन गर्ने अवसर जुट्ला । नयाँ वस्त्र, अलङ्कारको प्राप्ति हुनेछ । इच्छा र आकाङ्क्षा पूर्ण हुनेछन् । कृषि क्षेत्रबाट सफलता मिल्नेछ ।

मकर (भो,जा,जि,जु,जे,जो,ख,खि,खु,खे,खो,गा,गि)
यो साता ताके अनुरूप काम नबन्नाले दिक्क लाग्नेछ । मान्यजनको सुझाव अप्रिय लाग्नसक्छ । साताको मध्यबाट गोपनीय ढङ्गले गरिएको क्रियाकलापमा सफलता पाउनुहुनेछ । आफन्तको सल्लाह, सहयोग र हौसला पाईनेछ । घरमा अतिथिको आगमन हुनेछ ।

कुम्भ (गु, गे, गो, सा, सि, सु, से, सो, दा)
यो हप्ता शुभ समाचार सुन्न पाइएला । समाजमा प्रभाव पार्न सकिनेछ । आफ्नै दक्षतामा विभिन्न कार्यहरू सम्पन्न हुनेछन् । धार्मिक तथा समाजसेवामा मन लाग्नेछ । प्रेमीले नयाँ प्रस्ताव राख्न सक्छन् । वैदेशिक क्षेत्रको काम पनि विस्तारै अघि बढ्नेछ ।

मीन (दि, दु, थ, झ, ञ, दे, दो, चा, चि)
यो साता मनको डरले सताए पनि व्यवहारमा फाइदा हुनेछ । रोकिएका काम पुनः सुरु हुन सक्छन् । नसोचेको ठाउँबाट धन हात पर्नसक्छ । प्राविधिक कार्यमा सफलता मिल्नेछ मध्य सातामा जिद्दीपना बढ्न सक्छ । साताको मध्यमा पुनर्मिलनको योग छ । (अधिक जानकारीका लागि 977-9849559502)

ज्यो.प. –नारायणप्रसाद दुलाल