इक्यान अध्यक्षमा पाण्डे निर्वाचित

नेपाल शैक्षिक परामर्श संघ (इक्यान)को अध्यक्षमा प्रकाश पाण्डे निर्वाचित भएका छन् । प्रतिद्वन्द्वी सरोजकुमार बस्नेतलाई २८ मतले पराजित गर्दै पाण्डे अध्यक्ष पदमा निर्वाचित भएका हुन् ।

खसेको कुल २ सय ५६ मतमध्ये पाण्डेले १ सय ४२ मत प्राप्त गर्दा बस्नेतले १ सय १४ मत पाए ।

यस्तै उपध्यक्षमा बस्नेत प्यानलका राजेन्द्र रिजाल, सोही प्यानलका निरज सिटौला र पाण्डे प्यानलका विष्णुहरि पाण्डे चुनिए ।

जिम्मेवारी इमान्दारितापूर्वक पूरा गर्छु:पाण्डे

इक्यानको अध्यक्षमा निर्वाचित भएपछि पाण्डेले आफ्नो जितले शैक्षिक परामर्श व्यवसायमा नयाँ बिहानी ल्याएको बताएका छन् । मिश्रित मत परिणामले सबै मिलेर जानुपर्छ भन्ने सन्देश दिएको भन्दै उनले इमान्दारितापूर्वक आफ्नो जिम्मेवारी पूरा गर्ने प्रतिवद्धता जनाए ।