आफ्नो नेतृत्वलाई समर्थन नगरे एमाओवादीले सरकारलाई दिएको समर्थन फिर्ता लिने

आफ्नो नेतृत्वमा सहमतिको सरकार बनाउने निर्णय गरेको एकीकृत नेकपा माओवादीले अन्तिम पटक प्रधानमन्त्री केपी शर्मा ओलीलाई अन्तिम पटक आफ्नो नेतृत्वको सरकार निर्माणमा समर्थन गर्न अन्तिम पटक आग्रह गर्ने भएको छ ।
एमाओवादीको आज बसेको स्थायी समितिको बैठकले आज अन्तिम पटक प्रधानमन्त्री ओलीलाई आफ्नो नेतृत्वमा समर्थन गर्न आग्रह गर्ने तर समर्थन नगरे भोली सरकारलाई दिएको समर्थन फिर्ता लिएर आफ्नो नेतृत्वमा सरकार गठनको प्रक्रिया सुरु गर्ने निर्णय गरेको हो । समर्थन फिर्ता लिने औपचारिक निर्णय गर्न भोली पुनः स्थायी समितिको बैठक बस्ने छ ।
बैठकले प्रधानमन्त्रीसँग समर्थनको लागि छलफल गराउने जिम्मेवारी अध्यक्ष प्रचण्डलाई दिएको छ । त्यसैगरी बैठकले सकेसम्म एमालेसहितको सहमतिको सरकार निर्माणमा पहल गर्ने तर एमालेले समर्थन नगरे बहुमतको सरकार गठनकोलागि पहल थाल्ने निर्णय पनि गरेको छ ।