प्रमुख प्रतिपक्षी नेपाली काग्रेसले आज लिखित रुपमै एकीकृत नेकपा माओवादीका अध्यक्ष पुष्पकमल दाहाल प्रचण्डको नेतृत्वमा सरकार गठन गर्दा समर्थन रहने प्रतिबद्धता ब्यक्त गर्ने भएको छ ।
नेपाली काग्रेसको संसदीय दलले सभासदहरुको हस्ताक्षर संकलन हिजोबाटै थालिसकेको छ । आज सबै सभासदहरुको समर्थन सहितको हस्ताक्षर एमाओवादी अध्यक्ष प्रचण्डलाई बुझाउने तयारी भईरहेको काग्रेस स्रोतले जनाएको छ ।
प्रचण्डले बर्तमान सरकारलाई दिएको समर्थन फिर्ता लिनु अघि आफूलाई समर्थन गर्ने लिखित प्रतिबद्धता माग गरेपछि काग्रेसले त्यस्तो तयारी थालेको हो । यसअघि काग्रेस सभापति शेरबहादुर देउवाले प्रचण्डको नेतृत्वमा समर्थन गर्ने मौखिक प्रतिबद्धता ब्यक्त गरेपछि प्रचण्ड सरकार गठनकोलागि तयारीमा जुटेका हुन ।