ठगी गरी लिएको रकमसहित उपभोक्ता मञ्च नेपाल भृकुटीमण्डपमा कार्यरत केन्द्रीय सदस्य ४४ बर्षीय रोशन पोखरेललाई प्रहरीले पक्राउ गरेको छ ।
जोन्सन एण्ड जोनसन ब्राण्डका बिभिन्न सामानहरुमा लेभलिङ सम्बन्धी समस्या रहेको भन्दै पोखरेलले अनुसन्धानको लागि भनी खिचापोखरीस्थित नेपाल ओभरसिज मार्केटिङ कम्पनीमा फोन गरी बिभिन्न कागजातहरु माग गरेको र माग गरिएको कागजात अपुग रहेको भन्दै कम्पनीका संचालक पबन अग्रवाललाई छापामारी गरी कम्पनी बन्द गराइदिन्छु भनी धाकधम्की दिई ३ लाख रुपैयाँ दिएमा छापामारी नगर्ने सर्त राखेका थिए ।
पोखरेलले आफ्नै कार्यालयमा मंगलबार कम्पनीका सेल्सम्यान कुमार दिपेन्द सागर मार्फत माग गरेको रकम मध्ये १ लाख रकम लिँदैछ भन्ने बिशेष सुचनाको आधारमा महानगरीय अपराध महाशाखाबाट खटि गएको प्रहरी टोलीले पोखरेललाई उनकै कार्यालयमा नगद १ लाख लिइरहेको अबस्थामा फेला पारी पक्राउ गरेको नेपाल प्रहरीले जानकारी केन्द्रलाइ बताएको छ ।
यस सम्बन्धमा प्रहरीले थप अनुसन्धान गरिरहेको प्रहरीले जनाएको  छ ।