मुम्बइ । फिल्म निर्माता तथा निर्देशक रामगोपाल वर्माको समस्या कम हुने देखिदैन् । चेक बाउन्स मुद्दामा फिल्म निर्मातालाई मुम्बईको अदालतले तीन महिनाको जेल सजाय सुनाएको छ । २०१८ को एक मुद्दाको सात वर्ष पछि मुम्बई अदालतले फिल्म निर्मातालाई गैर जमानती वारेन्ट दिएको छ।
तेलंगाना टुडेको रिपोर्टका अनुसार रामगोपाल वर्मालाई नेगोसिएबल इन्स्ट्रुमेन्ट एक्टको धारा १३८ अन्तर्गत दोषी ठहर गरिएको हो। फिल्म निर्माताले तीन महिना जेल बस्नुका साथै उजुरीकर्तालाइ तीन लाख ७५ हजार क्षतिपूर्ति पनि तिर्नुपर्नेछ । साथै, रामगोपाल वर्माले तीन महिनाभित्र उजुरीकर्तालाई यो रकम नतिरे थप तीन महिना जेल बस्नुपर्नेछ ।
यस विषयमा राम गोपाल वर्माले एक्समा पोस्ट गर्दै प्रतिक्रिया दिएका छन्। उनले लेखेका छन, ‘मेरो र अंधेरी अदालतको बारेमा आएको समाचारको सन्दर्भमा म स्पष्ट पार्न चाहन्छु कि यो मेरो पूर्व कर्मचारीसँग सम्बन्धित २ लाख ३८ हजार रुपैयाँको ७ वर्ष पुरानो मुद्दा हो। मेरा वकिलहरू यसमा सहभागी छन् र मुद्दा अदालतमा भएकोले म थप केही भन्न सक्दिन।’
दोस्रो पोस्टमा फिल्म निर्माताले लेखेका छन्– ‘यो २.३८ लाख रुपैयाँको सम्झौताको कुरा होइन । यो विवाद सिर्जना गर्ने प्रयासमा शोषण गर्न अस्वीकार गर्ने बारे थियो। जे होस्, म अहिले यति मात्र भन्न सक्छु।’
रामगोपाल वर्मासँग सम्बन्धित यो चेक बाउन्स केस २०१८ को हो, जब श्री नामको कम्पनीले रामगोपाल वर्माको फर्म विरुद्ध मुद्दा दायर गरेको थियो। सन् २०२२ मा निर्देशकले व्यक्तिगत धरौटी र ५ हजार रुपैयाँ धरौटी बुझाएपछि जमानत पाएका थिए ।
