पूर्वउपराष्ट्रपति परमानन्द झाले गणतन्त्र दिवसका अवसरमा आज बिहान सैनिक मञ्च टुँडीखेलमा आयोजित कार्यक्रम बहिस्कार गरेका छन् । सरकारले आयोजना गरेको गणतन्त्र दिवस बनाउने कार्यक्रममा पूर्वराष्ट्रपति झा राष्ट्रिय पोशाकमा सजिएर मञ्चमा आइपुगेका थिए ।
उनी मञ्चमा केहीबेर यताउति घुमे तर आफूलाई बस्ने ठाउँको व्यवस्था नगरिएको भन्दै रिसाएर तत्कालै फर्किए । कार्यक्रम बहिस्कार गरेर फर्किने क्रममा उपराष्ट्रपति झाले आफ्नो अपहेलना गरिएको गुनासोसमेत पोखे ।
पुर्वउपराष्ट्रपति झालाई सरकारी अधिकारीहरुले फकाएर मञ्चमा राख्न गरेको प्रयास समेत सफल हुन सकेन। समारोहमा राष्ट्रपति विद्या देवी भण्डारी, प्रधानमन्त्री केपी शर्मा अाेली , उपराष्ट्रपति नन्दबहादुर पुन, सभामुख अोनसरी घर्ती लगायतका विशिष्ट व्यक्तिहरूको उपस्थति रहेको छ । सरकारले गणतन्त्र दिवसको अवसरमा टुँडीखेलमा औपचारिक कार्यक्रमको आयोजना गरेको छ।
