जागिर लगाइदिने प्रलोभनमा गेष्ट हाउसमा लगेर बलत्कारको प्रयास गरेको आरोपमा सोमे महरा पक्राउ परेका छन् । महानगरीय प्रहरी बृत्त महाराजगञ्जले उनलाई शनिवार पक्राउ गरेको हो ।
बृत्तका प्रमुख डिएसपी विश्वमणि पोखरेलका अनुसार करिव १८ वर्षको एक युवतीलाई उनले शुक्रबार महाराजगञ्जमा रहेको कोसेली गेष्ट हाउसमा लगेका थिए ।

जागिरको विषयमा कुरा गर्ने भन्दै गेष्ट हाउसमा लगेर उनले बलत्कारको प्रयास गरेको भन्दै ती युवतीले प्रहरीलाई खवर गरेपछी उनी शनिवार नारायणटारबाट पक्राउ परेका हुन् ।
‘ गेष्ट हाउसमा लगेर चिसो खाउं भन्दै गलत हरकत गरेपछी युवती प्रहरीको सम्पर्कमा आएकी थिइन्,’ पोखरेलले भने ‘ सूचना अनुसार प्रारम्भिक अनुसन्धान गरी शनिवार उनलाई पक्राउ गरेर अनुसन्धान अगाडि बढाएका छौं ।’
कान्तिपुरबाट