एनसेलको टावरमा आक्रमण गरेको आरोपमा विप्लव नेतृत्वको नेकपा माओवादी सल्यानका सह–सेक्रटरी लोकपाल के.सी. ९महेन्द्र० लाई प्रहरीले नियन्त्रणमा लिएको छ ।
न्याय, सेवा र विकास दिने भन्दै माओवादीले गठन गरेको जनपरिषद्का सल्यान जिल्ला प्रमुख समेत रहेका उनलाई बुधबार विहान पक्राउ गरिएको हो । अहिले उनलाई जिल्ला प्रहरी कार्यालय सल्यानमा राखिएको प्रहरी नायक उपरिक्षक श्याम बहाददुर खत्रीले जानकारी दिएका छन ।
आफ्नो खेतमा काम गरिरहेका आफ्ना परिश्रमी नेता लोकपाललाई धरपकड सहित नियन्त्रण लिएको भन्दै माओवादी सल्यानले भत्र्सना गरेको छ । नेकपा माओवादी सल्यानका सेक्रटरी डिल्लीराज शर्मा विश्वले विज्ञप्ती जारी गर्दै नेता केसीको विनासर्त रिहा नगरे कडा संघर्षमा जाने बताएका छन ।
विप्लव माओवादीले एनसिएल टावरमा हमला गरेपछि देशैभरीका माओवादी नेता तथा कार्याकर्तालाई सरकारले नियन्त्रणमा लिइरहेको छ । सल्यानमा पनि माओवादीले जयतपानी, छायाक्षेत्र र डाँडागाउमा रहेका एनसेलका टावरहरुमा हमला गरेको छ ।
तत्कालिन समयमा नेकपा माओवादीले जनयुद्ध गर्दा नेता लोकपाल पार्टीका नेता तथा कार्यकर्ताको व्यवस्थापन गर्नलाई खप्पीस नेता मानिन्छन । अहिले माओवादी जनयुद्धको बलमा बनेका नेता गृहमन्त्री हुदा उनकै निर्देशनमा माओवादीका कार्यकर्तालाई धरपकट गरिरहेको भन्दै विप्लव माओवादीले विरोध गर्दै आएको छ ।
