त्रिशूली नदीको बाढीले २०० मेगावाट विद्युत उत्पादन बन्द

काठमाडौं । त्रिशूली नदीमा आएको बाढीका कारण नेपाल विद्युत् प्राधिकरणका विभिन्न जलविद्युत आयोजनाबाट उत्पादन हुने २०० मेगावाट विद्युत् बन्द भएको छ।

प्राधिकरणका प्रवन्ध निर्देशक हितेन्द्रदेव शाक्यका अनुसार १११ मेगावाटको रसुवागढी जलविद्युत आयोजनाको बाँधको एक गेट बगाएको छ भने पुलमा क्षति पुगेको छ। ६० मेगावाट क्षमताको त्रिशूली ३ ए मा बाढी पसेको र ३ बी सबस्टेसन हिलोले छोपिएको जानकारी दिएका छन्।

चिलिमे पावरहाउसमा पानी छरे पनि ठूलो क्षति नभएको र त्रिशूली किनारको एक बाइपास टावर पनि बगाएको शाक्यले बताए। क्षतिको कारण त्रिशूली करिडोरभित्रका आयोजना बन्द हुँदा २ सय मेगावाट विद्युत उत्पादन रोकिएको हो।